“Peunyaket Donya “

  Oleh : SULAIMAN.A.GANI

==============================================

Abeuk geulantue, toe paya lutoeng                                     

Nanggroe lhoek sukon, meugah PT. A.

Na sidroe urueng, sinoe gampoeng loeng

Ka geumeungandoeng, rab troek  kutika

Nibak si uroe, gobnya jisandroeng

Ka keunoeng buroeng, peunyaket donya

Sampoe meuninggai, gobnyan hai kawoem

Aneuk lam kandoeng, mantoeng meunyawa

Ji ma ka mate, aneuk geuh udep

Pue keuh na wajeb, tajak tanoem ma

Di urueng gampoeng, geumoe meureb reb

U rumoeh saket, geusaran yue ba

Mangat jiplah pruet, ji suet u lua

Pakriban cara, neusaran keu loen

Meuhan lon pateh, kageuseurapa

Hadis Saidina, teu ingat diloen

Diloen teu ingat, Sabda maulana

Peusan saidina, Nabi Muhammad

Teuhadap manyet, han neubri gasa

Pue loen Syedara, tajak plah meuhat

Walaupun jinoe, ka meunan cara

Kajeut keu gura, manyet di anggap

( Tgk Diyueb Bruek/ Sulaiman.A.Gani )