Pages

Rabu, 06 Maret 2013

“ PALESTINA, TURKI dan SURIAH “



    Oleh : SULAIMAN.A.GANI
=================================================
Deungon Bisminlah, lon puphoen kalam
lon   pujoe Tuhan,  Azawajalla
Yang  peujuet langet, hana  meutiang
yang peujuet  insan. Lat  batat  Dumna

Lhuehnyan  Seulawuet, akan janjongan
Rasul  Khataman, Bandum  Ambiya
Yang  ba Risalah,  Peurintah  Tuhan
Inoeng  ngoen Agam, Ban  Sigoem  Donya

Lhuehnyan  Saleum  lon,  Keu  handai   taulan
Inoeng ngoen Agam, Tuha ngoen  Muda
Meutoe ngon jeuoh,  Duson ngoen peukan
Dalam Grup  Muprang, Bandum  Anggota

Neubri Tuhanku,  Pikiran  beutrang
Hajat lon karang, saboh mustika
Hajat  lon peugah, Hadis janjongan
Sabe  iseulam , tanyoe  saudara

Sabe keudroe  droe, jinoe  bicah  prang
Meukhuen janjongan, nyan  saboh  tanda
Donya  ka  Akhe, karap  geusimpan
Sabe  iseulam,  juet  prang  saudara

Misue  Suriah, Jinoe  Pakriban
Turki  Pih Meunan,  juet  prang  saudara
Pakon  han kompak, nanggroe  Iseulam
Ngat juet taganyang, nyan   Palestina

Bangsa Yahudi,  Beudoeh  taganyang
Nyan Musoh  Tuhan, Kutoek Rabbana
Deungon Yahudi, jinoe  tamuprang
Bantu  Iseulam, di palestina

Teukeudi syahid, sinan  tamuprang
Balasan Tuhan, geubri Syuruga
Budiadari, dudoe  geupulang
Yang syahid lam prang, bela  Agama

Bek  sabe droe,  tanyoe  tamuprang
Sabe  iseulam,  saboeh Agama
Saboeh Aqidah, ngoen keunyakinan
Tanyoe  iseulam, lage saboeh ma
(Tgk Diyueb Bruek/Sulaiman.A.Gani) 






0 komentar:

Poskan Komentar

Komentar FB :