UROE RAYA IDHUL ADHA

Oleh : SULAIMAN.A.GANI

================================

Sigala Pujoe Muwoe ,Keu  Allah

Yangka Neulimpah ,Rahmat Seujahtra

Seulawuet Saleum ,Keu Rasulullah

Yang Ba Risalah ,Ban Sigoem Donya

Salam A`laikoem ,Warahmatullah

Jaroe Dua Blah ,Ateuh Jeumala

Samboet Saleum ,loen sion Keureutah

Hajat l,oen peugah ,keu Uroe Raya

Idhul Adha ,Hajat loen Kisah

Fahla Bak Allah, Meulipat Ganda

Urueng Ek Haji  ,Wukuf Arafah

Sang sang ban ulah ,Blang Padang Masya

Haji Mabrur, Neutueng le Allah

Pahla Neubalah ,Tamoeng Syuruga

Dosa Neu Ampoen,  Bandum Yang Sudah

Kheun Rasulullah, Puteh Ban Ija

Yang Goeh Kuasa, Kujoeng Baitullah

Hana pue Gundah ,Jalan Mantoeng na

Geuyue Keureubuen, Kheun Rasulullah

Yue Meuseudeukah ,bak Uroe Raya

Keu Tanda Taat  ,Tanyoe Bak Allah

Nyan pih Neulimpah, Fahla Meuganda

Lage Ibrahim  , Patoeh Peurintah

Sie Aneuk Lidah , Ismail Nama

Nabi Ismail,Pih Tan Meubantah

Peurintah Allah ,Bandum Neuridha

Tuhan Neugantoe ,ngoen Saboeh Kibah

Sinan  Seujarah , Keureubuen phoen Mula

 

Tanyoe Keureubuen, Cuma sie Kibah

Koen Aneuk Lidah, Lage Maulana

Tapi le That That  ,Mantoeng Meubantah

Seubab Fadhilah , Jitupue  Hana

Fahla Keureubuen ,Meunoe Neupeugah

Tiep Titeip Darah ,Bandum Na Fahla

Kulet ngoen Tulueng,  Lungke ngoen Lidah

Bandum Neubalah  , Troek  Bule Mata

Oh Uroe Dudoe , Tuhan Neubalah

Kandran Indah , Neubri keu Gata

Fahla Keureubuen , Gata Seudeukah

Keu Hamba Allah ,  Miskin Fukara

Keu Aneuk Yatim , pih Meunan Ulah

Bek Sampe Susah , Bak Uroe Raya

Bak Idhul Adha , Bek Baje Beukah

Yatim Hana Yah , Tasadu Bawa

Tajoek Kuerubuen , Tabri Seudeukah

Peurintah  Allah ,  Lagenyan Cara

Tanda Tasyukur , Taat keu Allah

Dodoe Neubalah , Tamoeng Syuruga

Meunan Meuteume , lam Asoe Surah

Qur`an  Neupeuhah ,  Tabsir Neubaca

Sekadar Muphoem,  Kalheuh loen Peugah

Loen Lake Meu`ah ,  Beu Ampoen Dosa

Sulaiman.Gani  , Yang Tuleh  Kisah

Kadang Sit Salah ,  Bak Puphoem Makna

Meunyoe yang Beutoi , Turoen Bak Allah

Meunyoe yang Salah, Bandum Buet Hamba

 Banda Aceh, 15 Desember 2007