NUZULUL QURA`N

NUZULUL  QURA`N

Oleh : Tgk Diyueb Bruek/Sulaiman.A.Gani

Dengan Bisminlah ,  loen Puphoen Kalam

Ngoen Nama Tuhan,   Azawajalla

Seulaweut Saleum, Akan Janjongan

Pang ule Alam, Ban Sigoem Donya

Salam a`laikoen, saleum loen tuan

Keu Bandum Rakan ,wilayah Dista

Samboet Saleum loen, sion karangan

Nuzulul Qura`n, Hajat loen rika

Malam tujoeh blah, Buluen Ramadhan

Nuzulul Qura`n Geuseuboet nama

Neupeutroen Wahyu, nibak malamnyan

 Ateuh Janjongan Rasul Mustafa

Untuk peutunyoek , keu bandum insan

Peulurus jalan , Hudep lam Donya

Geutanyoe  Aceh, bijeh Iseulam

Baca Al-Qurua`n ,  Beujeut le Gata

Tacoek Momentum, Nuzulul Qura`n

Syariat Islam  ,Aceh beu jaya

Dum Rakyat Aceh, Tanyoe Harapkan

Baca Al- Qurua`n  Beujeut Semua

Baca Beujeulah, beuglah hafalan

Seureuta fahan, arti ngoen makna

Beule jeut  hafiz, Hafai  Al-quruan

Meunan Harapan,  Aceh Mulia

Beulage Jameun, dile saboeh jan

Yoeh Masa Sultan , Iskandar Muda

Acehnyoe Meugah, Nanggroe Iseulam

Hafiz  Al-Qura`n, Dum  Aneuk Muda

Jinoe Takalon , Kalaen Macam

Hafiz  Al-Qurua`n , Jinoe ka Langka

Yang le takaloen,  jinoe  ji hafai

Inoeng ngoen Agam, Lagu Hindia

 

Bek An yue hafiz,  Hafai  Al-Qurua`n

Yue Baca Mantoeng , Payah  Meu  ija

Wate Tadarus. Malam Ramadhan

Tadeungoe kiban,  Wate  Jibaca

Male That  Aceh, bijeh Iseulam

Baca  Al-Qurua`n, Mantoeng Meuraba

Kana Bukeuti, Takaloen Kiban

Baca  Al-Qurua`n Wate Pilkada

Wate Seuleksi, Baca  Al-Qurua`n

 Neukalon Kiban , Payah  Meu ija

Ladom Han lulus Baca  Al-Qurua`n

Padum Na Sayang   Neucuba  kira

Kiban ta caloen , Sidroe Pimpinan

Kitab Peudoman , Hanjeut Jibaca

Meuhoe Jineuk ba  Arah Pimpinan

Meukoen dalam blang atau lam paya

Mulai thoen nyoe, Bekle lagenyan

Baca  Al-Qurua`n, Tanyoe Budaya

Aneuk miet Muda, Inoeng ngoen Agam

Tanyoe wajeibkan, Beujeut jibaca

Meumada ohnoe, Haba loen karang

Nuzulul Qura`n, loen boeh keu tema

Beujeut peu ingat, keu bandum rakan

Baca  Al-Qurua`n, Bek payah  eja

( Tgk Diyueb Bruek/Sulaiman A.Gani )