Jawaban Keu Dek Fitri “

Oleh : SULAIMAN.A.GANI

===========================================
Ie Krueng Peusangan, Mirah ngoen cikau,
ie krueng geureutoe, jeureuneh puteh,
gata nyak Fitri , loen neuk meubinoe
,ka taboeh taloe, ka tatheun ampeh,

kupue talintueng , kawat meuduroe
,kupue hai adoe, ka taboeh Ampeh,
kupue Goeb laen , tatueng keu lakoe,
pakoen uloennyoe, hana takira,

bak meunan meunan , bahle loen poeh droe,
kupue uloennyoe, hudep meurana,
Blang padang masya, uloen preh dudoe,
uloen preh adoe walau ka janda,

digata seunang, hudep ngoen lakoe,
di uloen sidroe , lam menderita,
bak pi e papa , ngoen gasien tuloe,
hanjeut keu lakoe, seubab tan kaya

“RUPA DEK FITRI”
======================================
nyan sinyak fitri, bungong kupula
ceudah that rupa, lagi pih cantek
kulet jih puteh, meucaya caya
hana ngoen peusa, ruman cut adek

badan jih bulat, lagee teu upa
sapai jih dua, meutangke putek
keu ieng jih rampeng, ok patah manyang
bahoe jih keumang, lage geularek( biola )

dak disoek baje, jipinggang ija
rata anggota , minyeuk di reuteik
oh watee dijak, bak jalan raya
mareh peumuda ,meutroen ngoen meu ek

koen meuceh mantoeng, nyan aneuk muda
dum ureueng tuha, ulee meu asek

Faizil lon fasya

===============

Meuleumpah sayang si cicem tiyoeng
Ateuh bak niboeng keuneong geulawa
Dilee yoeh awai gata loen sanjoeng
Boeh hatee jantoeng loen boeh umpama

Tapi han mungken cinta meusamboeng
Tan reumoeh geudoeng moto toyota
pangkat ngeon harta hana nibak loeng
Gasien ban lutoeng di dalam rimba

Seulangke loen ba geutulak langsoeng
wahee adekloen tanyoe han geu ridha
Tan do'a ayah wali ngeon karoeng
Meunyeo buet siroeng bak loen han rela

saweub hai nyan wahee dek payoeng
loen jak beoh untoeng ho laen teuma
loen mita judo ho laen gampoeng
sesusama lutoeng yg gasien hina

hana si kufu gata deungeon loeng
meunan kheun karoeng syedara gata
hana loen thee droe,tan loen thee untoeng
meunan keuh uloen kheun wali gata

uloen beoh nanggroe loen tinggai gampoeng
cinta loen samboeng ho laen teuma
hana si padra gata deungeon loeng
ka oeh noe untoeng geutanyoe dua

Seulawah dara manyang that lamboeng
di pasai geudoeng ureung croeh bada
cinta geutanyoe ka oeh noe ujoeng
wahee dek payoeng laen tamita