“ HANA MANOE JUNUB “

“ HANA  MANOE  JUNUB “

Oleh : Tgk Diyueb Bruek/Sulaiman,A,Gani

Nibak si uroe, teukeudi  Tuhan

Nyak Basyah Hitam, Meuninggai Donya

Ohlhueh  seumanoe, ka sinyak  Basyah

Gafan Tujoeh Hah, geubaloet  Sigra

Ohlhueh geubaloet, gafan lhe  lapeh

Laju geupeueh, dalam Kurunda

Geucok  disinan, ba u meunasah

Fardhu kifayah, seumbahyang  sigra

Geucoek  disinan, geuba u  jeurat

Malem jak intan, bandum seumua

Geucoek disinan, peutroen lam kubu

Tanoeh geusu  u, atueh kurunda

Dua bak lawah, geugloeng  bak ule

Dua nuke bate, geuboeh keu tanda

Kullu napeusen, geubuet  di ule

Sinyak basyah thee, meuninggai donya

Lhuehnyan jamaah, geubeudoeh  geuwoe

Tugas seuleusoe, urueng di donya

Dua  lhe tapak, tungku  beurangkat

Meuna sikeujap, jadi pristiwa

Dimeusu krak kruk, di dalam  kubu

Hiruen di tungku, geudeungoe nyata

Coek keusimpulan, ka geulimueh  lom

Mie  raya teudoeng, na bube raya

Meunyum teumakoet, teukeujoet  yoe

Laju geuheungkhoe, mie  Hitam sukla

Ban sigoe geupoeh, ka ube  Badan

Dua  geuhantam, ka bube  guda

Tamah teumakoet, teukeujoet yoe

Geuplueng geujak woe, jamaah  Dumna

Serta geutanyoeng, Nibak sinyak  Ti

Laju  geusudi, geujak pareksa

 

Mupe na salah, lakoe sinyak  ti

Puena terjadi, lakoe  digata

Laju di jawueb, oleh sinyak  ti

Jawaban jibri, ngoen sigra  sigra

 Lakoe di ulon, sapue tan salah

Sit meu  ube drah, salah geuh  hana

Na salah bacut, lakoe  di ulon

Lhueh geujimak lon, geumanoe  hana

Ohlhueh geujimak, nyan ulon  tuan

Geusampoeh  go  lham, laju ngoe ija

Oh lon yue manoe, nyan teungoeh malam

Ulon geuhantan, sumpah  seurapa

Oh lon yue manoe, oh puteh timu

Ulon geuserbu, sumpah seurapa

Beu ingat ingat, hai kawoem abi

Jimak isteri, manoe beusigra

(Tgk Diyueb Bruek/Sulaiman.A.Gani) 26/01/2013