Pages


Rabu, 06 Maret 2013

“Hana ie Seumbahyang “



  Oleh : SULAIMAN.A.GANI
=================================
Deungon  Bisminlah, lom puphoem kalam
Lon pujoe Tuhan, Azwajalla
Seulawuet saleum, dudoe komdian
Atueh janjongan, rasul Ambiya

Lhuehnyan saleum lon, keu bandum rakan
Inoeng ngoen Agam, Tuha ngoen muda
Lam grup Hikayat, Pantoen ngoen Nazam
Bacut  sualan, tayoeng  bak gata

Meunoe terjadi, di uloen tuan
Na sidroe rakan, meuninggai donya
Ulon jak kunjoeng, keunan hai rakan
Meunan Anjuran, printah agama

Ban troek u rumoeh, urueng meuninggai
Teungoeh seumbahyang, takbir  pertama
Langsong lon tamoeng, ikoet seumbahyang
Tapi hai rakan, wudhuk gohlom  na

Meu  ie seumbahyang, di ulon pih tan
Kiban hai rakan, meunuroet  gata
Seumbahyang mayet, tan  ie  seumbahyang
Hukoem pakriban, taci  peunyata

Meunyoe sit han sah, ulon seumbahyang
Hukom tapeutrang,  yang  tupue  gata
Seumbahyang mayet, takhuen seumbahyang
Pakon hai rakan, hana sempurna

Meurukon lhe blah, meupakon sit  tan
Meunyoe seumbahyang, takhuen le gata
Hoe saleum nanggroe, hukom ta peutrang
Hoe Banta Seudang,  tuloeng peunyata

Hoe sinyak Airi, ngoeng sinyak Ilham
Hoe sinyak Thian, Cayang adinda
Hoe Agam sidroe, hukom  tapeutrang
Mangat bek bimbang, aduen di gata

Dan laen laen, dalam grup Nazam
Neubri jawaban, Hukom Agama
Tapi na bacut, wasiet  peuneusan
Bek neukeumarang, yang hana hana

Hukoem neupeugah, yang na  landasan
Ngoen ayat Tuhan, Hadis Maulana
Neubri pendapat, lagenyan macam
Bek neukeumarang, peugoet calitra
(Tgk Diyueb bRuek ) 7  Mai 2012
 
“ Jawaban :Saleum Nanggroe
===================================
Dengon Bismillah, lon bri jawaban
Nyan pertanyaan, kon gura-gura
Shalat Janazah, Chiet tanna Azan
Beeuda hai rakan, ngon shalat biasa

Watee shalat nyan, jeut barangkajan
Asai hai taulan, Janazah kana
Teuma pendapat, na perbedaan
Dalam kalangan, para ulama

Na saboh kawoi, Wudhu' hanjeut han
Pendapat yang nyan, meucuhu kana
Shalat Janazah, geu anggap saban
Wahee Ee taulan, ngon shalat biasa

Teuma hai rakan, saboh teuk pandangan
Shalah janazah nyan, Pekerjaan meudo'a
Tan na ruku', dan sujud Pihtan
Juga Tahyatan, disinan Hana

Dalam shalat nyan, nyang Lee bacaan
Ci perhatikan, banmandum Do'a
Maka kawoi nyoe, beda pandangan
Peundaoat gobnyan, Wudhu' jeut hana

Teuma nibak lon, wahee ee rakan
Aduen lakukan, chiet hana dausa
Teuma beu yakin, bak neu lakukan
Hanjeut ikut2an, Peudoman beuna

Bila tan yakin, bek neulakukan
Hukom neu paban, hanjeut meudawa
Sunggoh Luah, Ileume Tuhan
Yang gob lakukan, meubek neu hina
( Lhokseumawe, Tgl 7  Mai 2012)


0 komentar:

Posting Komentar

Komentar FB :