Oleh : SULAIMAN.A.GANI
=============================
Assalammua’laikom, warahmatullah
Alhamdulillah, Pujoe
Rabbana
Seulawuet saleum, keu Rasulullah
Yang ba risalah, ban sigoem donya
Lhuehnyan saleum lon, sion keureutah
Keu mi ngoen Ayah, duson ngoen banda
Dalam grup panton, nazam hikayah
Hajat lon peugah, saboeh mustika
Hajat lon tayoeng, saboeh masalah
Rakan meutuah, meunoe ban haba
Na sidroe urueng,
rakan meutuah
Dipujoe Allah, dijih
hantomna
Dipuebuet salah, meudijih pih tan
Pue keuh na jalan, tamoeng syuruga
Hana jipubuet,
peurintah tuhan
Muejiseumbahyang, dijih hatom na
Pubuet ibadat, Peurintah Tuhan
jituoh pih tan,
hantom kuerija
Neutuloeng jawueb, neubri jawaban
Ngoen kuejadian, neuci calitra
Hoe saleum nanggroe, hukom ta peutrang
Hoe Banta Seudang,
tuloeng peunyata
Hoe sinyak Airi, ngoeng sinyak Ilham
Hoe sinyak Thian, Cayang adinda
Hoe Agam sidroe, hukom
tapeutrang
Keusyik mun saban, yue jawueb haba
Jawaban hukon, neujawueb rijang
Mangat bek bimbang, aduen di gata
Dan laen laen, dalam grup Nazam
Neubri jawaban, nueci calitra
Tapi na bacut, wasiet
peuneusan
Bek neukeumarang, yang hana hana
Hukoem neupeugah, yang na
landasan
Toh kuejadian, pakriban cara
Neubri pendapat, lagenyan macam
Bek neukeumarang, peugoet calitra
(Tgk Diyueb bRuek ) 7
Mai 2012
Jawaban :
Assalammua’laikom, rakan boh
hate
Ulon peusampe,
juenawueb haba
Na sidroe urueng, rakan boh hate
Gobnyan ka mate, meuninggai
donya
Suemanoe kalhueh, gafan
pih hase
Geuba laju le, nibak
kuburnya
Troek malaikat, dua droe
kuenan
Malek Ridwan, ngoen zabaniyah
Nyan hamba Allah, geujak
pareksa
Meudawa malek, ngoen zabaniyah
Ka guemuereupah ,
gobnyan ban dua
Meunoe muekuesud, rakan meutuah
S yuruga teumpat, malek yang peugah
Di zabaniyah, neukhuen nuraka
Dudoe muepakat, mayetnyan gueplah
Adoe muetuwah, timang bak
dada
Sapue amalan, sinan
tan luemah
Adoe meutuwah, sinan tan
dosa
Malek lon neukhuen, bak Zabaniyah
Tacuba ciplah, juet juet
anggota
Lhueh guepareksa, nyan hamba Allah
Amai ikeulas, sapue pih hana
Amai yang juehuet, meusapue pih tan
Ibadat keu Tuhan, meunyan pih hana
Neubuka babah,
neusaloep lidah
Lafai Bisminlah, meusurat
kana
Meunyan keu urueng, geunaseh allah
Teumpat geukuebah, dalam
syuruga.
( Tgk Diyueb Bruek,
10 Mai 2912 )
0 komentar:
Posting Komentar