Oleh : SULAIMAN.A,GANI
=========================
Alhamdulillah
, lon puphon Rawi
Lon pujoe Rabbi, Azawajlla
Lhuehnyan seulawuet, keupada Nabi
Seureuta Ahli, Sahabat dumna
Lon pujoe Rabbi, Azawajlla
Lhuehnyan seulawuet, keupada Nabi
Seureuta Ahli, Sahabat dumna
Assalammua’laikom,
saleum ulon bri
Ayah ngon ummi, Duson ngoen Kota
Ayah ngon ummi, Duson ngoen Kota
Hajat lon
samboet, jamaah Haji
Katroek kembali,
Mekkah Mulia
Katroek
geugisa, riwang keumbali
Jamaah
haji, Aceh Mulia
Haji Mabrur,
Bandum Allah bri
Bandum ka suci, hapus bak Dosa
Bandum ka suci, hapus bak Dosa
Kalhueh
geutunai, Peurintah Rabbi
geuyue ek Haji, yangna kuasa
geuyue ek Haji, yangna kuasa
Peurintah
Tuhan Teutang ek Haji
Dalam
Qura`ni Sinan Meupunca
Ali
Imran, Surat ka Meuri
Pakriban
Bunyi, Neuci Pareksa
Sikurueng
Tujoh (97), Ayat ka Meuri
Neuci Kumisi,
Matan ngoen Makna
Sibeurangkasoe
, Meunyang ek Haji
Fahla Tuhan
bri ,Tamoeng Syuruga
Dosa Neu
Ampoen , Oleh Ilahi
Puteh ngoen
suci, ban lahe bak ma
Tuhan bri payoeng,
Liwa ul-Hamdi
Sajan ngoen Nabi , Blang Padang Masya
Sidumnan
Raya, Fahla Tuhan Bri
Meusoe ek Haji, Balah Keu Hamba
Haji Mabrur ,
Neukheun le Nabi
Wate woe Haji,
Meunoe ban Tanda
Hanle keurija,
pubuet yang keuji
Hanale Kropsi , ngoen Pajoeh Riba
Hanle Seumeunguet , deungan Teumaki
Hajah ngoen Haji, Hanle buet Dosa
Hanle Keurija , yang larang Rabbi
Meunyan keuh Dali , Mabrur Nama
Haji Geutulah, Meunoe Ban dali
Neukheun le Nabi ,Meunoe Ban Tanda
Oh wate geuwoe , sideh di Haji
Mantoeng buet
keuji, leubeh yangka ka
Mantoeng buet
Makset , di Tungku Haji
Matoeng Jeip
Kupi ,Bak Keude Cina
Mantoeng Teumipee,
deungan Teumaki
Mantoeng
Meujudi ,ngoen Pajoeh Riba
Siluwue
Potoeng , ngoen jeket rompi
Jak lari pagi ,
Sambil beulanja
Ta ue bak ule , Keupiyah Haji
Ta ue Bak Gaki,
Lage khoeng khoeng wa
Mantoeng Bangga droe, Ban woe di Haji
Jeut Waroeng
Kupi , Peugah Calitra
Meunoe ngoen
Meudeh, Sideh di Haji
Gobnyan Bak dali , Ka Ampon Dosa
Keu Bandum
Kawoen , Ayah Ngoen Ummi
Yang Ka Lheuh
Haji, Neuci Pareksa
Meunyan keuh
Tanda, Saboeh Bukeuti
Mabrur Haji , Geutueng ngoen Hana
Ohnoe Meumada,
Haba lon Rawi
Hajjah ngon
Haji, meuah beuraya
Bukon lon
upat, deungon lon caci
Lam Hadis
Nabi, ulon coek Makna
Meunan Muphoem
lon, lam Hadis Nabi
Sulaiman Gani , Koen Peuna Peuna
Kitab Muslem, deungoen
Bukhari
Neuci Kumisi ,
Pakriban Makna
( Banda Aceh,
30 Oktober 2012)
0 komentar:
Posting Komentar