Pages


Rabu, 06 Maret 2013

“PEUTURI DROE”





“PEUTURI DROE”
Oleh : SULAIMAN.A.GANI
===============================================


Ngoen kru seumangat,rahmat Tuhan bri
Yang maha Suci, Azawajalla
Seulaweut saleum, ohlhuehnyan lagi
Pang ule nabi, Rasul Mustafa

Neubri Tuhanku, beutroek hajati
Lon neuk peuturi, aseuli nama
Tgk diyueb bruek, lon neuk peuturi
Nama aseuli, serta gampoeng ma

Tgk diyueb bruek, samaran geubri
Sulaiman.A.Gani, nama sibeuna
Di samalanga, nyan gampoeng ummi
Nyan gampoeng abi, di jangka buya

Di Banda Aceh, berdomisili
Rumoeh tsunami, bantuan lua
Seujak uroenyoe, maklumat lon bri
Nama aseuli, ka lon peunyata

Kalon bak Profil , gamba aseuli
Mangat neuturi, nama sibeuna
Jampang meurumpok,disana sini
Meuka neuturi, kajuet neusapa

Kajuet neuhoi nan, tegoran neubri
Ngat tameuturi, samboeng saudara
lam donya nyata, sirahturrahmi
ya Allah neubri, beutroek ban pinta

lam donya maya, tanyoe meuturi
beujuet Allah bri, lam donya nyata
beujuet saudara, samboeng family
beujuet Allah bri, lage saboeh ma

Grup Muprang lam Panton, Neuci Kunjungi
Sulaiman Gani, Sinan Seuring Na
Tgk Diyueb Bruek, status geubri
Meubagoe isi, Panton lon rika

Tgk diyueb bruek, lake permisi
Selama ini, mungken na cupa
Mungken na salah, meuah beuneubri
Sulaiman,A.Gani, nama sibeuna
(Tgk Diyueb bruek / Sulaiman.A.gani )


0 komentar:

Posting Komentar

Komentar FB :