Oleh : SULAIMAN.A.GANI
=============================
Assalammualaikum
warahmatullah
Alhamdulillah kisah Ion
puphon
Seulaweut saleum keu
Rasulullah
Yang ba risalah keu bandum
kawom
Guree ngon po ma seureuta
ayah
Jaroe dua blah Ion lakee
ampon
Beulam syuruga neubri le
Allah
Nikmat neutamah oleh ilahon
Ya
Allah neubri pekeran beuglah
Hajat Ion kisah bala akhe
thon
Geumpa tsunami neubri le
Allah
Seuramoe Mekah bala
neupeutron
Bak beungoh Minggu mata urou
crah
Buluen dua blah karab gantoe
thon
Tanggal dua nam jeut keu
seujarah
Raya meuleupah bala
neupeutron
Dua ribe pheut thon
meuseujarah
Seramoe Meukah geumpa peu
ayon
Kuasa Tuhan kaNeupeuleumah
Le Laot Allah yue tron u
gampong
Bak jeum poh lapan kureung
limong blah
Meunyoe han salah bak jeum jaroe Ion
Geumpa
tsunami neubri le Allah
Bangunan reubah habeh
meusinthong
Sang-sang kiamat nanggroe
nyoe sudah
Seuramoe meukah sangka
geugulong
iek le laot mayang meuleupah
Bangunan patah bakat
peugulong
Runtoh bangunan meutingkat
indah
Tameh ka patah kareubah
bubong
Kajab ngon tanoh geumpa
peureubah
Buet ie jisampoh bakat
peugulong
Mate ngon ureung subahanallah
Han jeut Ion peugah han ek tahitong
Teutiek-tiek mayet hansoe
seuleuah
Fardhu kifayah katinggai
hukom
Ngon moto jungkat angkot
jeunazah
Pintoe jipuhah mayet
disinthong
Lage jiboh broeh meunan keuh
ulah
Han jeut Ion kisah seudeh
hate Ion
Ladom ngon beko mayet
dipeuglah
Yang ladom patah takue ka
puntong
Kuburan masa laju dipeuhah
Tansoe seuleuah meunurot hukom
Sideh lambaro kubu jipeuhah
Jeut neumeulangkah neukalon
langsong
Bandum syuhada sinan jikeubah
Laen daerah dilon tan meuphom
Geumpa tsunami tapuwoe kisah
Bala bak Allah tanyoe
geuhukom
Seubab salah droe tuwoe keu
Allah
Tapubuet salah menurot hukom
Nanggroe Acehnyoe Seuramoe
Meukah
Han jitheun caprah ala
kafiron
Han jitheun makset yang larang Allah
Aurat tapeuhah tapeugot
lutong
Maka lage nyoe bala bak Allah
Seuramoe Muekah neukeumeung gulong
Karoh lam makset Seuramoe Meukah
Rata daerah dipubuet sirong
( SULAIMAN.A.GANI)
0 komentar:
Posting Komentar