WASIET KEU GUBERNUR BAROE

WASIET KEU GUBERNUR BAROE

Oleh : SULAIMAN.A.GANI

Buleun Dua Blah Dua Ribe Nam

Uroe Seunanyan  Rakyat Mepesta

Pileh Gubernur Yang Mat Pimpinan

Lapan Pasangan  Calon Pilkada

Ta Ucap Syukur Keu Sidroe Tuhan

Pilkada Aman Han Dakwi Dakwa

Pilihan Rakyat  Irwandi Meunang

Yang Mat Pimpinan  Aceh Mulia

Rakyat Lan Nanggroe Hate That Seunang

Irwandi Meunang Ngoen Nazar Sira

Jeut Keu Gubernur Masa Mendatang

Yang Mat Pimpinan  Atoe Negara

Bandum Geutanyoe Doa Bak Tuhan

Bak Tanggal Lapan Lam Buleun Dua

Akan Dilantik  Dua Uruengnyan

Jipulang Gayam  Jibri Kuasa

Oh Lheuh dilantik Dua Uruengnyan

Jijoek Wewenang  Atoe Negara

Bapak Mustafa  Piyoeh Jabatan

Seubab digoebnyan Kahabeh Masa

Masa Jabatan Sampoe disinan

Mahkota Pulang Awaknya Dua

Oleh Seubabnyan  Wasiet Peuneusan

Bacut Harapan  Rakyat Jeulata

Yue Puwoe Tuah Aceh yang Malang

Lage Saboeh jan Meucuhu Nama

Aceh Meuadat dile saboeh jan

Agama Islam  Kuat Lagoena

Hukoem Agama ngoen Undang Undang

Beulage Jameun  Iskandar Muda

Nanggroe Meuadat Kuat Iseulam

Qanun ngoen Reusam Peukuat Teuma

Rakyat yang susah  Neubri Bantuan

Neumita Jalan  Mangat Seujahtra

Neuhapus Judi Kropsi loem Teuman

Neubri Ganjaran  soe yang Meulangga ( R)

Neupeudoeng Hukoem Syariat Iseulam

Neumat  Pimpinan  Adelan Beuna

Adak Beurangsoe Pubuet Salahan

Ateuh Uruengnyan  Ganjaran Beuna

Pakek Ulama  Lam Pemerintahan

Urueng yang Tuban  Hukoem Rabbana

Haleu ngoen Haruem Bandum Geutuban

Ngat Bek Salahan,  Atoe  Negara

Keu Tungku tungku Beuneubri Peuran

Mangat Seujalan deungoen Umara

Lage yoeh jameun Masa Saboeh  jan

Rayeuk That Peuran  Kawoem Ulama

Syiah Kuala  Pakriban Peuran

Masa Keurajeun Iskandar Muda

Nangroe Lam Makmu Neubri le Tuhan

Seubab Adelan  Geumat Neuraca

Bineih Krueng Aceh Toe Peulanggahan

Meusapat Sinan ngoen Gampoeng Jawa

Gubernur Ade Rakyat that Seunang

Ka Saboeh jalan  Ulama Umara

                                            Banda Aceh, 29  Januari 2007