“URUENG YANG RUGOE”

    Oleh : SULAIMAN.A.GANI

================================

Limong Dro Urueng ,Tungku Meutuah

Rugoe Meuleupah , dalam Agama

Neudeungoe jinoe,  lon tuan peugah

Tungku Meutuah , Sisuen sibanja

Peureuta maphon , wahe Budiman

Keu angan angan,  payang lagona

Teuma kedua,  ka umu payang

Geu Ibadat tan,  Rugoe leupahna

Teuma yang keu lhe,  urueng Muda That

Meutan Ibadat,  han Sakon Guna

Teuma yang keu peut,  urueng yang jahe

Rugoe Bukonle,   Ibadat Hana

Hana Ibadat , Meubube pade

Rugoe Bukonle , dalam Agama

Meuyang keulimoeng , Tuwoe keu Mate

Sang udep sabe,  di dalam Donya

Hana Ibadat,  lam Suntoek sabe

Keu Azeub Mate,  hana Geukira

Geupike  hudep, digobnyan  sabe

Meuhan le mate, seulama  lama

Beu ingat ingat , ka wahai rakan

Ibadat rijang,  Masa lam Donya

Beuna Ibadat,  Uroe ngoen Malam

Keupada Tuhan,  Bek Sagai Lupa

Geutanyoe  Hudep, lam bumoe Tuhan
Hana  Tatujan,  Meuninggai  Donya

Wate katroek had, tanyoe meuninggai

Baroe Meunyesai, sapue  tan taba

Meumada ohnoe, keupeuringatan

Haba lon karang, dua  lhe  banja

Haba peu ingat, keu bandum rakan

Meuna salahan, Peumeuah  sigra

( Tgk Diyueb Bruek.06/05/2011