Oleh :
SULAIMAN.A.GANI
===============================================
RANUB SIGAPU
=================
SYUKUR NGOEN PUJOE ,MUWOE KEU TUHAN
YANG PEUJEUT ALAM., BAN SIGOEM DONYA
SEULAWEUT SALEUM ,AKAN JANJOENGAN
PANG ULEE ALAM ,SAIDIL AMBIYA
SALAM’ALAIKOM, JAROE LOEN
LAYANG
KEU BANDUM RAKAN, TUHA NGOEN MUDA
SAMBOET SALEUM ,SION KARANGAN
PEU INGAT RAKAN ,DUSOEN NGOEN BANDA
GANTOE LOEN JAK DROE, LOEN BRI
UTUSAN
GEUNANTOE BADAN ,HABA LOEN SUSOEN
GEULANTOE LOEN BRI ,KUPI SICAWAN
SABOEH KARANGAN ,NA MUDAH BAK LOEN
SAMBOET RAKAN DROE, NGOEN DUA TANGAN
KEU UNDANG – UNDANG , HAJAT LOEN SUSOEN
ATURAN NANGGROE , LOEN KEUNEUK PEUTRANG
ACEH DARUSSALAM,
NYAN DASAR HUKOEM
HASIL SEUPAKAT , R..I DEUNGAN GAM
NYAN UNDANG – UNDANG , ACEH HAI KAWOEM
DAME HELSINKI , YANG JEUT KEUBIDAN
BANDUM DISINAN, ATURAN HUKOEM
SIKUREUNG BUTIR, HASIL
DAME NYAN
KALHEUH LOEN KARANG, NEUCOBA PUPHOEM
DAME HELSINKI , JUDUL LOEN PEUNAN
BACA HAI RAKAN , KALHEUH LOEN SUSOEN
KEU UNDANG – UNDANG, JINOE LOEN KARANG
ASOE DI DALAM , HAJAT LOEN SUSOEN
LAM BAHASA ACEH , LOEN KEUNEUK PEUTRANG
MANGAT JEUT GEUPHAM, LE UREUENG GAMPOENG
MANGAT
GEUTEUPEU , ASOE DI DALAM
BEK SALAH WAHAM , WATE GEU PUPHOEM
KAREUNA SEUBAB , NYAN UNDANG – UNDANG
BANDUM ATURAN , SINAN MEUHIMPOEN
DEUNGOEN TULOENG PO, IRADAH
TUHAN
KALHEUH LOEN PEUTRANG, SIKADA
MUPHOEM
MEUAH LOEN LAKE, BAK MANDUM RAKAN
MEUNA SALAHAN, HABA LOEN SUSOEN
SULAIMAN GANI, UREUENG YANG KARANG
MAKLUM HAI RAKAN , ANEUK MIET GAMPOENG
DI SAMALANGA , GAMPOENG HALAMAN
TULEH KARANGAN, GOHLOEM THAT MUPHOEM
BAK PEUKHOEK RAWI, GOHLOEM GOET REUBANG
BAK PEUKHOEK NAZAM, GOHLOEM GOET MUPHOEM
SALAH NGOEN BEUTOI, BEUGOET
NEUTIMANG
SEUBAB KARANGAN,
MEUNYANGKOET HUKOEM
RANUB SIGAPU, OH NOE LON KARANG
KEU UNDANG –UNDANG , JINOE TAPUPHOEN
BACA RAKAN DROE
, COEK KEUPEUDOMAN
SEUBAB BADUMNYAN,
ATURAN HUKOEM.
BANDA ACEH, 1 NOPEMBER
2006
(SULAIMAN . A.GANI)
0 komentar:
Posting Komentar