Oleh : SULAIMAN.GANI
=================================
ASSALAMU’ALAIKUM WARAHMATULLAH
ALHAMDULILAH PUJOE ILAHON
SEULAWEUT SALEUM KEU RASULULLAH
YANG BA RISALAH KEU BANDUM KAWOM
SALEUM HOREUMAT
BAK LON SIPATAH
SI ON KEREUTAH
HABA LON SUSON
SYARI’AT ISEULAM
HAJAT LON PEUGAH
BANDUM DAERAH
BANDA NGON DUSON
ISEULAM TEUKA
JAMEUEN GEUPEUGAH
ACEH DAERAH MULA
AWAI PHON
PINTO GEUREUBANG
ISEULAM TEUKA
ACEH YOH MASA
JAMEUEN HAI KAWOM
NANGGROE
PEUREULAK SINAN PHON MULA
DUSOE SAMUDRA
WILAYAH GEUDONG
HINGGA BERKEMBANG
SAMPOE U JAWA
ISEULAM JAYA
SAMPOE REUTOH THON
PO TEUMEUREUHOM
ISKANDAR MUDA
YANG MAT KUASA
ACEH JAYA PHON
NANGGROE MEU ADAT
KUAT AGAMA
KAWOM ULAMA
BANDUM YNG SUSON
YANG ATOE NAGGROE
BAK SIDROE RAJA
KAWOM ULAMA
BANDUM GEUHIMPON
RAYEUK THAT PERAN
KAWOM ULAM
SAMA NGON RAJA
GEUPIMPIN KAWOM
ISEULAM DI ACEH
JAMEUN KON KANA
KAWOM ULAMA
PEUDONG AWAI PHON
NA QADHI AGONG
SIDROE ULAMA
YANG BRI FATWA
SAYARI’AT HUKOM
NEUPAKON JINOE
MEUBALEK MACAM
TREH ISEULAM
MEUTUKA UJONG
TROEH TALAKE
NIBAK APA SYAM
LAGEE TAN TIANG
YUE PASANG BUBONG
TAJAK DHOE LANGET BEK
JITOH UJEUEN
TAJAK HADU PLUENG NGON UREUENG BUTA
KUPUE TALAKE YANG BUKON BULUENG
KUPUE TAJAK TUENG
MEUKON PO ATRA
KUPUE TALAKE
SYARI’AT ISEULAM
NGON UNDANG –
UNDANG KEU DASAR HUKOM
ACEH NYOE SANG
SANG BUKAN ISEULAM
NIBAK NYUM SANG
SANG NANGGROE KAFIRON
PADAHAI ACEH
SEURAMOE MEUKAH
DILEE KON MEUGAH
CUKOP THAT HAROM
CUKOP MEUSYUHU
LAGI NGON MEUGAH
ACEH DAERAH
ISEULAM AWAI PHON
SANG SANG BAROESA
BAN TEUKA DAKWAH
ACEH DAERAH
PEUNYEMBAH PATONG
TAMOENG ISEULAM
KATOE MEUNIKAH
MEUNAN BAN ULAH
NIBAK PIKE LON
PADA HAI ACAEH
LEUBEH MEUGAHAN
KUAT ISEULAM
DIMATA DONYA
MEU PAKON JINOE
TANLE ATRA NYAN
ACEH MEUGUNCANG
KARAM AGAMA
HANALEE MEUPAT
ADAT NGON REUSAM
KAGADOH PEURAN
KAWOM ULAMA
PADA HAI ACEH
WASIET SABOH JAN
DEUNGO HAI TAULAN
LON TUAN BACA
“MEUROH DEUNGON
TOE KEU ASOE NANGGROE
RUHUNG NGON BAJOE
KEU PEUTUA
TAMEH NGON PUTENG
KEU ULEBALANG
BEUNEU NGON ADANG
KEU ULAMA”
KULET BOH MANGGEH
PEUREUSEH ARANG
ASOE DIDALAM
MAMEH BAN SAKA
MEUMADA OH NOE
HABA LON KARANG
SINGOH LAEN JAN
SAMBONG CALITRA.
(Tgk Diyueb Bruek )
0 komentar:
Posting Komentar