SAMBOET THOEN BAROE

Oleh : SULAIMAN.A.GANI

===========================

Dengaoen Bisminlah , Kalam Awai Phoen

Loen Pujoe Rabbon , Sidroe Yang  Esa

Seulawuet Saleum , Keu Muhamadon

Pang Ule Kawoem ,  Khatam  Ambiya

Saleum Horuemat ,  Salam a`laikoem

Keu Bandum Kawoen,  Duson ngoen Kota

Samboet Saleum loen , Nibak Akhe Thoen

Hajat loen susoen,   Saboeh Mustika

Peu Ingat Bangsa ,  Banda Ngoen Dusoen

Wate Peunghujoeng , Thoen Baro Teuka

Malam Thoen Baroe , Urueng Meuroen roen

Jak toet Meureucoen ,  Jak Peugoet Pesta

Undang Peunyanyi ,  Peugoet ngoen Panggoeng

Samboet Akhe Thoen , ngoen Pesta  Pora

Muda ngoen Mudi ,  Goyang Boeh Pungoeng

Di Ateuh Pangoeng ,  Peugoet Dalupa

Meumacam Bagoe ,  Samboet Awai Thoen

Ladoem  Hai Kawoem ,  Pesta  Narkoba

Ngoen Pil Ektasi ,  Peulheuh Akhe Thoen

Teuma yang ladoem , Maboek ngoen Ganja

Samboet Thoen Baroe,  ngoet toet Meureucoen

Yang ladoem ladoem,  Balon Udara

Jak yuep Teurompet ,  Sira Meurawoen

Samboet Awai thoen , ngoen Balap Honda

Urueng Yang le Peng,  Samboet Awai Thoen

Geujak  Meurawoen ,  Medan  Jakarta

U Lua Nanggroe ,  Pih na yang Ladoem

Samboet Awai Thoen,  Koen Meunan Cara

Tasyukur Nikmat  , Rahmat Ilahoen

Tanyoe Ka Sithoen ,  Dalam Seujahtra

Rahmah ALLAH Bri , Raseuki Sithoen

ALLAH Yang Lindoeng , Jeuoh Ngoen Bala

Tasujud Syukur  , Talake Lindoeng

Dan loem Hai Kawoem ,  Yasin Tabaca

Baca Quru`an ,  Samboet Awai Thoem

Dan Meusasmboeng ,  Doa Bersama

Uruemg Iseulam , Samboet Awai Thoen

Bukoen Hai Kawoem , Masehi Nama

Thoen Hijriah  , sabe tiep tiep thoen

Nibak Malam Phoen , Muharram Teuka

Pubuet  Ibadat ,  Pujoe Ilahoen

Meunan Neusuroen , Sabda Saidina

Kitab Amalan  , Malamnyan Puphoen

Keu U keu Sithoen,  Malamnyan Tuka

Nibak Malamnya,  Malaikat  Troen

Malam Gantoe thoen ,  Seurah Teurima

Lembaran Baroe , Amalan yang Phoen

Bekna Rakan loen , yang Pubuet Dosa

Bek Dengan Makseit ,  Meucaatat  Awai  Phoen

Beu Tuhan Lindoeng ,  Nibak Buet Dosa

Samboet Thoen Baroe,  Ohnoe loen Susoen

Seukada Muphoen , Kalheuh loen Rika

Sulaiman.Gani ,  Urueng Yang Susoen

Aneuk miet Gampoeng ,  Goehloem Biasa

Meunyoe  Na  Salah,  Dosa  Neu ampoen

Bekle Neuhukoen , Blang Padang Masya

(Tgk Diyueb Bruek/ 21/12/2012)