Pages


Sabtu, 02 Maret 2013

“SAMBOET SYEDARA”



“SAMBOET SYEDARA”
============================================================================================

Oleh : Tgk Diyueb Bruek/Sulaiman.A.Gani



Assalamu’alaikum ,syedara lon tuwan
tamoeng udalam, bek le diluwa
pue haba jinoe, wahe e rakan
na sehat badan, dengoen belanja..??

katreb lon dengue, haba khabaran
nama di rakan ,sideh di luwa
cukoep that meugah, caroeng keumarang
cendikiawan, sidroe pujangga

katrep lon seutoep, nak joek undangan
tapi di rakan, hek that tamita
sebab tiep uroe ,puenoeh ajudan
kiri ngoen kanan ,goet that di jaga

nibak uroe nyoe,Ngon  keuhendak Tuhan
troeh kenoe dating, hana lon sangka
bagi kamoe admin , saboeh penghormatan
katroeh udalam,  tamu istimewa

neuduek neupiyoeh,  laju udalam
menoe keuh hai rakan, Kondisi yangna
katrep lon kubah, soe jaga pihtan
maklum hai rakan, nyoe rumoeh tuha

adak na tika ,ka beukah lapan
aleu ka goyang ,sang lage geumpa
meuah keu kamoe, wahe e rakan
hana hidangan , lam gubuek derita

rencana bunoe ,keuneuk jak mutang
Meubrueh meusingantang, bak ureung lingka
tapi teu ingat, buleun ramadhan
ummat iselam,  bandum puasa

terimoeng geunaseh, keu pada rakan
ateuh kunjungan , bak kamoe hina
ka neujak saweu,  kamoe hai rakan
semoga Tuhan,  neubi bahgia..
(Tgk Diyueb Bruek/Sulaiman.A.Gani )

0 komentar:

Posting Komentar

Komentar FB :