“ SAMBOENG SYEDARA “

   Oleh : SULAIMAN.A.GANI

================================

Asalammua’laikom, Rahmat meukatoe

Sit Tuhan sidroe, kada ngoen qadha

Seulawuet saleum, ohlheuhnyan dudoe

Nabi Geutanyoe , khatam  Ambiya

Lheuehnyan saleum lon, keu Agam sidroe

Keu Saleum Nanggroe,meunyang keu dua

Cayank Adinda, Banta lom dudoe

Hana sit Tuwoe, Nyak Faidzil  Pasya

Keusik Maimun, lam kabue  Nanggroe

Hana sit Tuwoe,  Saleum keu kanda

Keu Bandum Rakan, Group Panton Nanggroe

Nyan group geutanyoe, Hikayat nama

Nibak Beungoehnyoe, Ulon Hareutoe

Malang han  bangoe,  Allah  neu  qadha

Ban beungoeh uroe, peu  udep  Moto

Lon ba sinaroe, bandum keluarga

Aneuk peurumoeh,  peunoeh lam  Moto

Bak Agam Sidroe,  Tujuan lon  ba

Lon neuk peuturi, ngoen Agam  Sidroe

Peusamboeng  taloe, beujuet Syedara

Keude Pak Rasyid, toe Agam sidroe

Disinan kamoe, meupreh  adinda

Sira pajoeh bu, Telepon Adoe

Mangat meusahoe,  duek  saboeh meja

Hajat meukeusud, duek deungoen  Adoe

Meusinglet  jaroe, tapeugah  Haba

Samboeng Syedara, ngoen  Agam Sidroe

Aduen ngoen adoe, sang sang saboeh  ma

Tuhan neukheundak, laen  ban  bagoe

Ngoen Agam sidroe, meurumpok  hana

Sideh Ule lheu,  geu  eh malamnyoe

Maka ngoen kamoe, meuteume  hana

Malang that Nasib, nibak beungoehnyoe

Ngoen Agam Sidroe,  Meurumpok  hana

Hajat ulon preh, sampoe coet  uroe

Nyak Agam Sidroe, tapi han rela

Pakon ta elak, meurumpok  kamoe

Nyak Agam Sidroe, pakon han Ridha

Mungken han sabe, pirak ngoen pudoe

Aduen ngoen adoe, han sabe padra

Di Aduen  gasen,  Kaya di Adoe

Pane  meusahoe,  meuh  ngoen  teumbaga

Meukai ngoen Are,  han  sabe bakoe

Maka jeut meunoe, Adoe  han  Ridha

Alah ka keuh hom, Aduen han the droe

Peu sabe bakoe, gasen ngoeng  kaya

Neubri ya Allah, Rahmat Meukatoe

Dilon ngoen adoe, sambat  seutia

Meu pajan Ridha, nyak  Agam sidroe

Keunan troek kamoe, bak  teumpat gata

Meubek ta use,  taparoeh  kamoe

Maklum hai adoe, gasen lon  raya

Hajat meuturi, ngoen Agam sidroe

Hajat that lonnyoe, samboeng Syedara

Han ek lon balah,  jasa bak adoe

Masa saboeh roe,  Fb  Binasa

Tgk diyueb Bruek, Fb  meupaloe

Ngoen Saleum Nanggroe, adoe usaha

Ngoen sanbat laen, bandum sinaroe

Teumasoek Adoe, Cayank Adinda

Meuhan sit  tanle, jadeh meupaloe

Di Aduen Sidroe, Rab putoeh Asa

Cukop keucewa, meunyoe meupaloe

Rab rab hai adoe, lon taluek tiga

Meumada ohnoe, haba lon rampoe

Ngoen agam sidroe, haba lon rika

Meunyoe na salah, meuah hai adoe

Bek sampe dudoe, aduen meudosa

( Tgk Diyueb Bruek )