“ RASEUKI “

“ RASEUKI “

==============================================

Oleh : Tgk Diyueb Bruek/Sulaiman.A.Gani

 

Alhamdulillah, Pujoe Hadharat

Sit  Sidroe Ibad, Meuhat  Tuhan loen

Seulawuet saleum, ohlheuhnyan  meuhat

Nabi Muhammad, Rasul  yang  Anggoeng

Lheuhnyan saleum  lon, keu bandum sahbat

Umat Muhammad,  kuta ngoen gampoeng

Untuk grup Nazam, pantoen  Hikayat

Keunan  lhe  ikat, saleum lon  sinthoeng

Teuntang  Raseuki, ulon  riwayat

Sidroe  Hadharat,  bandum  yang  susoen

Yang  peuna  peutan,  raseuki  umat

Bandum Hadharat,  keunoe yang  peutroen

Ban beungoeh  uroe, peurintah  luegat

Bak  Malaikat, yue  sipruek  langsoeng

Hana  tatukri, deungan tatupat

Bandum lat batat, raseuki  neupeutroen

Dalam  Quruan, Firman Hadharat

Raseuki  meuhat,  Tuhan yang  peutroen

Hana  ta  sangka,  hana  tatupat

Geutanyoe  umat,  raseuki  tan  muphoem

Wajeb  ta  iman , geutanyoe  umat

Iktiyue  meuhat, wajeb  hai  kawoem

Yang  peuna  peutan, meuhak  hadharat

Meunan hai sahbat, yang  uloen  puphoem

Hana  pue  ragu, geutanyoe  umat

Raseuki  meuhan,  kalhueh  geususoen

Ulat  lam bate,  meukhuen  Hadharat

Keunan  pih  meuhat, raseuki  neupeutroen

Kada ngoen qadha, sidroe droe   umat

Kalhueh  hadharat, bandum  geususoem

Gasen ngoen kaya, saket ngoen  mangat

Meutoe  deungoen  rab, banda  ngoen  dusoen

Bandum  Tuhan  bri, sampoe lat batat

Rahman  hadharat,  masa  lam   donya

Nyang sifuet  Rahim, uroe  akhirat

Khusus keu umat, meu  iman  saja

Keu  urueng  kafe, Rahman  hadharat

Meu dijih   meuhat, masa lam  donya

Oh  uroe dudoe, meukhuen  hadharat

Nurakat  teumpat, kalhueh  seudia

(Tgk.Diyueb Bruek )tgl 29/01/2013

kupue rasueki geubri meulimpah, meunyoe di Allah hana gueridha,kalhueh na contoh kiban sa'labah, kiban seujarah mula pertama, gueyue bak nabi lake bak Allah, supaya mudah gobnyan raasueki, dodoe meulanggeh gobnyan ngoen Allah,rasueki mudah berkat usaha, hana guethe droe tuwoe keu Allah, meumeunan ulah luebeh got bek na,Trks