Oleh : SULAIMAN.A.GANI
================================
Kalam Awai,,Phon Lon Pujo Tuhan
Yang Peujeut Alam , Ban Sigom Donya
Seulaweut Saleum ,Teuma Oh Lheuhnyan
Akan Janjongan, Saidil Ambiya
Saleum Horeumat,Jaroe lon Layang
Keu bandum rakan , Tuha ngoen Muda
Samboet Saleum lon, saboh karangan
Partai Lokal, Hajat lon Rika
Hasil seupakat R.I, deungan Gam
Lam Undang Undang, Hukom Negara
Dame Hilsinki, yang jeut keu Bidan
Partai lokal, di
Aceh Beuna
Lam Lumboi siblah ,nyan Undang Undang
Keu Pemerintahan, Aceh Mulia
PP Dua ploh , Jitamah Rijang
Keu Penjelasan, Lam Pelaksana
Lam Bab keu siblah,Neubaca Rijang
Partai local, Pakriban cara
Dua ploh sa Pasal, Asoe di dalam
Sikurueng Bagian , Hareuto Makna
Bagian Keu phon ,keu Pembentukan
Dua hai rakan ,ulon Calitra
Azas ngon Fungsi ,deungon Tujuan
Asoe di dalam , Bagian dua
Bagian Keu Lhe ,Hak Keuwajiban
Keu peut Larangan, Hanjeut Keurija
Bagian Limong, keu Anggotaan
Lam Undang Undang,,Badum Habeh na
Bagian keunam, Bah Keuangan
Tujoeh hai Rakan,Sanksi jih Beuna
Bagian Lapan ,Bah Pemilihan
Atau hai Rakan ,Pemilu Nama
Meunyang Sikurueng, Keu Peungawasan
Habeh hai Rakan , Bandum Peukara
Aceh Jeut Peudong ,Partai Lokal
Bek Bertentangan, ngon Panca Sila
Deungon Syariat , Hukom Iseulam
Bek Bertentangan, Hukom Agama
Aceh Ban Jamur, di Musim Hujan
Lahe Partai , Meubagoe Rupa
Bek Gara gara, Peudong Partai lokal
Aceh Darussalam, Jeut Prang Saudara
Azas ngon Fungsi, serta Tujuan
Syariat Islam, keu Dasar Beuna
Aceh ka Aman, Neubri le Tuhan
R.I. Deungon Gam ,Kajeut Saudara
Bek jeut keu karu ,Gara Gara Partai
Aceh Meuriwang ,Jeut Prang Saudara
Bek paksa rakyat, yue tamoeng partai
Jak peugah pogram, yang hana hana
Jak peuguet rakyat, pelimbuet partai
Hana alasan, nyan hak Manusia
Untuk Seukada Pesan Lon tuan
Bandum pimpinan Partai yang kana
Neujaga Bacut nyan kesatuan
Beuna neusayang Rakyat jeulata
( Tgk Diyueb Bruek )Tgl, 19 Maret
2012
0 komentar:
Posting Komentar