PEUTROEN AL-QUR`AN”

“ PEUTROEN AL-QUR`AN”

Oleh : Tgk Diyueb Bruek/Sulaiman.A.Gani

Malam 17, Buleun Ramadhan

Rasul Janjongan, Teurimoeng Sabda

Lam Guha Hirak, Nabi Watenyan

Neu Pujoe Tuhan, Sidroe yang Esa

Neutroen Jibrail ,nibak Watenyan

Ubak Janjongan ,ka Neuyue Baca

Meuna meulhe goe , neu ulang ulang

Rasul Janjongan, hanjuet Neubaca

Kali yang keupeut ,Jibrail yue cuba

Tacuba  baca, Ikrak le Gata

Jibril Baca , Ikrak Bismi

Yoehnyan di Nabi, kajeut Neubaca

Ohlheuh Neubaca ,Ikrak Bismi

Yoehnyan Jibrail, langsoeng Neugisa

Oh leupah geuwoe ,yoehnyan jibrail

Teuma di nabi ,teumakot Raya

Nabi Neuteubiet ,lam Guha pantas

Ubak Khatiyah, laju Neugisa

Ohban sare troek, nabi u Rumoeh

U bak khatiyah, Nabi Calitra

Tuan Khatiyah, hate Beurahi

Geudeungoe Nabi ,Lagenya Haba

Yoehnyan Khatiyah, geu ajak Nabi

U Bak Family, Nabi Geumaba

Nama Family ,Tuan Khatiyah

Geukheun Warakah, Umu ka Tuha

Ohban sare troek, Nabi u Rumoeh

Nibak Warakah, Nabi Calitra

Teuma Geujawueb, oleh Warakah

Meunoe ban Ulah, ka Neumeu Sabda

Sangkira Neubi, Payang Umu Loeng

Gata loen tuloeng, Bak Saboeh Masa

Seubab oh Dudoe, gata jimarah

Kajeut keu Musoeh, di Dalam Nanggroe

Meunan Geupeugah, oleh Warakah

Di Rasulullah ,Karoe ie Mata

Hana Treip lawet, tungku Meutuah

Teuma Warakah, Meuningai Donysa

Meunan keuh tungku ,yangka loen peugah

Perintah ALLAH ,Nibak Saidina

( Tgk Diyueb Bruek )