“NIKAH LEWAT HAPE”

  Oleh : SULAIMAN.A.GANI

======================================

Assalammua’laikom, lon puphon kalam

Lon  pujoe Tuhan,  ilahon kade

Seulawuet saleum, atueh janjongan

Pang  ule  alam, rasul yang  akhe

Samboet  saleum lon, keu  bandum  rakan

Dalam grup meuprang, Anggota   cae

Mudah  raseuki, umu  beupayang

Neubri le Tuhan, hajat  beusampe

Neubri  Tuhanku, pikiran  beutrang

Saboeh  sualan, hajat  lon cae

Risalah  Nikah, hajat  lon karang
Na  keujadian,  rakan boh  Hate

Na  sidroe  Ayah,  cut  putroe  seudang
Nyan  anuek  badang, sijantoeng  hate
Ka  geupeunikah,  Cut  Putroe  seudang
Ngoen Sidroe  Agam,  ka  Via  Hape

Lewat  Trireugi, leumah  tapandang
Layue  geupasang,  Raya  bukon  le
bandum  juet  nonton, tapersaksikan

Acara rijang, geumulai  le

Ngoen saksi  Nikah,  KUA  pih sajan

Meuh  siploeh mayang, didalam  bate

Akan jeuname , Cut  putroe  seudang
Atra  bawaan, yah  linto  kande

ngoen dara  baro, pih  kana  sinan

Sit  linto  sagai,  yang  hana  hade
di  Amerika, Cut  banta  seudang
Hana  hai rakan, keunoe  di  hade

Oleh  Ayah droe, cut  putroe  seudang
Peunikah  rijang, nyan  Via  Hape
Jiab ngoen  Kabul, bandum  berjalan
Berjabat  tangan, yang  hana  sampe

Pakriban  Hukom, Nikah  lagenyan
Meusah deungoen  Han,  meunyoe  ngoen Hape

Neutuloeng  jawueb, neubri  alas an

Meusah deungoen han, rakan  boh  hate

Meunyoe  neukhuen  sah, neubri  alasan
Dali  jih kiban, rakan boh  hate

Meunyoe  neukhuen han, pih meunan  macam

Meutoeh  landasan, neubri  tapeuse

( Tgk  Diyueb Bruek/Sulaiaman.A.Gani )

Tanggal  15  Oktober  2012