MAKSUED TEUKANDOENG DALAM FATIHAH

MAKSUED TEUKANDOENG DALAM FATIHAH

===============================================================

Alhamdulillah,  nazan lon puphoen

Loen lake tuloeng , u bak rabbana

Beureukat do’a , di guree u looen

Beujeut loen susoen , beuseumpureuna

          Dalam fatihah , le that teukandoeng

          Sigala hukom,  akhirat donya

          Asoe alqur’an , keunan jikandoeng

          Maka jih geukheun,  ummul alqur’an

Alhamduliah,  nibak ayat phoen

Pujie meuhimpoen,  u bak rabbana

Dalam alhamdu , sinan jikandoeng

Wate yang limoeng , sinan keu lua

Ayat kedua , sinan teukandoeng

Gaseh ilahon,  keupada hamba

Bandum makhluk , di alam haiyoen

Jirasa bandum , kiamat lam donya

Ayat yang keu lhee , sinan teukandoeng

Allah yang himpoen , blang padang masya

Nibak uroe nyan , Allah yang agoeng

Laen ban bandum ,  rusak binasa

          Ayat yang keu peut, sinan teukandoeng

          Ayat nyan geukheun , keupala do’a

          Soe nyan  meudo’a ,  keu po ilahon

          Meunyoe tan geukheun , surat mulia

Do’a  han sampoe , teukatoeng katoeng

Han troek langsoeng,  nibak rabbana

Bak saboh hadist , teu ingat u loen

Seunjata mukmin , geuyue meudo’a