Dikutip
Kembali : SULAIMAN.A.GANI.
=============================================
“ Daftar isi “
1.
RANUB
SIGAPU
2.
MUKADDIMAH
3.
INOENG ZANIYAH
4.
TEUNGKU
ABED
5.
TEUKA
ILHAM
6.
ROH
BAK TAUBAT
7.
HAJAT
MEUKAWEN
8.
MEUKEUSU
HABA
“RANUB SIGAPU “
INOENG ZANIYAH
================================
Syahdan awai phone, saleum lon rirue
Ranub sigapu, hajat lon intat
Neucoek neupuwoe, pasoe lam lingkue
Seuluepoeng pague, teumoen kameng kab
Beuthat phet reuhang, masam ngoen tabue
Kadang soe tupue, ek juet
keu ubat
Neucoek jinoe le,
Hate bek ragu
Tuloeng Tuhanku, sit
ek mustajab
Kalhueh lon kalon, barat ngoen timu
Kabeh uloen eu, rata juet
teumpat
Le that dum kawoem, jisandroeng hantu
Bak kawoem ibu, yang leubeh that brat
Ngoen hate suci, bah
lon ci bantu
Kadang ilmu, goebnyan
goeh dapat
Ijazah guree, peuneugah tungku
Seun seun sigeutu, jinoe lon surat
Tacoek peudoman, hai bintang timu
Seujarah dulu, haba
lam kitab
Ulon boh ragam, alam ngoen buhu
Peugoet keu buku, saboeh hikayat
Kirem keu sahbat, barat ngoen timu
Geulantoe lampu, keu urueng sisat
Inoeng Zaniyah, kisah
lon paayu
Bak mita brueh bu, sinan haruekat
Peusiwa badan, keu
agam badu
Soe soe yang nafsu, peupuleh syahwat
Inoeng peunzina, nama
meusyuhu
Meunan hai tungku , dalam riwayat
Beu ingat ingat, hai kawoem ibu
Nanggroe ka maju, timu ngoeng barat
Restoran reumang, hana trang lampu
Dara yang ayu, sinan
hareukat
Ning klub dengan bar, menjalar laju
Sideh di timu, jinoe maju that
Deungan hostes, meulantai hayue
Asai tabayue, beurangpat juet mat
Astaufirullah, leupah that dajue
Meuroeh tatiru, lagenyan adat
Meunyoe di Aceh, jadeh juet karu
Meunyoe neutem ue, nyan
meunan meuhat
Saying pisang wak, masak nibakmu
Saying pisang nu, asoe ka batat
Ohnoe lon peuseb, ranub sigapu
Meuah hai tungku, salah ngoen silap
“MUKADDIMAH”
==================================
Alhamdulillah, iradah rabbi
Kisah mulai, lon tuan rika
Seulawuet saleum,lon khuen keu nabi
Seurueta ahli, bandum keluarga
Dan lom keu sahbat,tabi
tabi in
Hanjar Ansari, para ambiya
Dengan mujizat, Muhammad nabi
Ngoen tuloeng rabbi,
neubri seujahtra
Urueng syik dua, poma ngoen abi
Waya ilahi, troek hajat pinta
Neubri beulangsoeng, di phone mulai
Badan bek seu
I,pikeran beuna
Ulon meudoa, ngoeng hate
suci
Peutang ngoen pagi, lon meuseupeuna
Inoeng zaniyah, kisah lon rawi
Bak hadis nabi, lon coek calitra
Wajeb percaya, putra ngoen putrid
Bek sangsi sangsi, hate lam dada
Nyoe mukaddimah, ohnoe akhiri
Jinoe mulai, tamoeng
calitra.
‘Inoeng Zaniyah “
===================================
Dengan Bisminlah, Rahman Rahimi
Wabihamdihi, Azza
Wajalla
Dengan na Tuloeng, Rabbul
Izati
Jinoe mulai , lon karang
haba
Ibnu masu’d, yang
seuboet rawi
Bak hadis nabi,
geucoek calitra
Na sidroe inoeng,
bani israil
Rupa that tari, cantek jeulita
Inoeng zaniyah, nama
geurasi
Taboeh areuti,
inoeng penzina
Inoeng keulutoek,
dak zaman kini
Mita raseuki,
sinan beulanja
Astaufirullah, leupah
that meukri
Deungon lon rawi, seun seun sibanja
Inoeng Zaniyah, kasah
taturi
Jinoe lon khuen kri,
sifuet anggota
Rupa cut putroe, na
bagoe diwi
Budiya dari, taboeh
umpama
Kulet peureuseh, puteh berseri
Dicaya gigi,
bagoe mutia
Sapai jih bulat, hebat han sakri
Dua blah pipi, na bagoe
kaca
Limo si ulah,
dua blah bibi
Keu eng sinyakti,
ban bruek biola
Di paluet jaroe,
bagoe on buni
Di paluet gaki,
bagoe on
buga
Bahoe jih keumang, jeunjang han sakri
Dua blah bodi,
teungang meubanja
Jipeugoet rumoeh,
saboeh meunigi
Teumpat duek putrid, inoeng penzina
Bak simpang jalan,
pulang peureugi
Roet ula ili,
dum manusia
Ban beungoeh uroe, cut
putroe tari
Di hias diri, duek
bak jendela
Jisugoet ngoen ok,
meulhok han sakri
Dicat ngoen bibi, boh
ceulak mata
Jiboeh ngoen beudak, lagak
berseri
Boeh minyuek wangi,nibak
anggota
Soek bajee lipeh,
atra jeh meuri
Leumah terjali,
kulet anggota
Pucak seulawah,
leumah meuriti
Teumpat beurahi, mainan
mata
Duek bak jendela,
si dara asi
Peutang ngoen pagi, meunan keurija
Soe soe yang jalan, roet nan peureugi
Tangieng cut putrid, duek
bak jendela
Ban tangieng rupa, teuka
beurahi
Beuthat beukadhi, alem
ulama
Beuthat beu tungku,
ban woe di haji
Beuthat beusufi, jadi
tergoda
Jipeu ek rangsang, le syetan
asi
Keunan paseuti,
roeh tamoeng sigra
Meunyoe tatamoeng,
dalam meunigi
Ubak cut putrid, yang
cantek rupa
Siploeh deureuham,
hanjuet han tabri
Nyan baro asi, tamoeng
lam kamba
Meutan deureuham,
pantang peureugi
Teunte han jibri, barang
tahawa
Beuthat
tareupah, ta ilah
ribee kri
Pinto ji kunci, payah
tagisa
Siploeh
deureuham, dalam sekali
Sepuas hati,
boleh keurija
Sinan beulanja,
sidara asi
Sehingga jadi, dijih
ka kaya
Meunan keuh cara, mita
raseuki
Bak buet yang
keuji, larang agama
Dumna peulayang,
ngoen yang digaji
Tukang peu ek ie,
tukang rhah ija
Tukang sampoh
broh,tukang mat kunci
Sama sekali,
sinan beulanja
Bandum awaknyan,
saban sit asi
Beuthat beu kuli, tukang
keurija
Beu ingat ingat, hai
umat nabi
Bek jep ie
kupi, deungoen peng zina
Beu ingat leupah, ayah ngoen
ummi
Bek na terjadi,
peugoet meurua
.bek na tameuen,
angen kumisi
Peugoet produksi,
sarang penzina
Jikalau ada,
nyata terjadi
Mari baseumi,
bersama sama
Astaufirullah, kisah ka
meusie
Lon gisa lagi,
pokok calitra
Inoeng zaniyah, kisah
tarawi
Kalhueh tatukri,
adegan cara
Lagak di mayang,
bintang meuriti,
Lagak di R.I,
berpanca sila
Lagak karangan,
bek saban bunyi
Tatuka Sali,
nalam ngoen haba
(Tgk.Abu Mutaleb.A.Gani Ali)
“TEUKU ABED “
====================================
Sukur keu Allah,
Meulimpah Kudrat
Meunyoe ek tamat, haba
lon susoen
Buhu lon ubah, kisah
riwayat
Ubak hadharat,
lon lake
tuloeng
Na sidroe abed, trep lam lam ibadah
Urueng yang kuat, iman lan jantoeng
Dalam buet maksiet,
keubiet hantoem rab
Dalam buet sisat,
hana meukeuphoen
Di Tungku Abed, iman teugoeh
that
Geupateh kitab,
meunuroet hukom
Nibak si uroe,
abednyan meuhat
Karoeh geulewat, keunan roet juroeng
Roet bineh rumoeh, Zaniyah laknat
Tan meupue seubab,
keunan peurueloeng
Ubak jendela,
muka meuhadap
Ohban geulihat,
geunta, lam jantoeng
Geu ue inoengnyan, ruman that
cakap
Gigoe meukilat,
hidoeng jih mancoeng
Abed ka teudoeng, geukalon goet
that
Badan meutatat,
leungoe lam jantoeng
Jiteuka nafsu, rindu
ngoen syahwat
Dakjuet geupeurab,
leugat geujak come
Dak juet geutamoeng, jaduek meusapat
Dak juet beugeumat,
bak kontak seutroem
Akan teutapi,
pakriban ilat
Wate geulihat, u dalam
kantoeng
Hana deureuham, sajan keu
syarat
Pane na dapat, tamoeng
lam geudoeng
Masanyan siblet,
abed teu
ingat
Sideh bak
teumpat, dirham na lam toeng
Yoehnyan geugisa,
sigra le
leungat
Geuplueng tajam that, nafah
meu ek troen
Hingga ka sampoe,
geuwoe bak teumpat
Rumoeh ibadat, geu
ek le
langsoeng
Geubuka kunci,
geu ungki kitab
Dirham geulihat,
rata lungkiek toeng
Ube be nyangna,
bandum peusapat
Pat pat yang sisat,
habeh geusinthoeng
Seudeukah goeb bri,
bak rakan sahbat
Nyan pih han
silap, peusapat bandum
Ka geupeusahoe, sigoe
le leugat
Hana geu ingat, keungoen bloe
bakoeng
Siploeh
deureuham, meuban geuhisap
Hate galak that, leugat
le geutroen
Bak inoeng bunoe,
keunan beurangkat
Tanle teu ingat, mangat
ngoen tutoeng
Tanle geupike,
akhe meularat
Uroe akhirat,
Tuhan neu hukoem
Pikiran tanle,
hate ka batat
Akai ka sisat,
bak jalan siroeng
Ka jiduek syetan,
masanyan siat
Seubab geulihat, sidroe reung
inoeng
Bak pintoe kamba, jaga
tiep saat
Soe soe yang lewat, jih phone
teurimoeng
Dirham taseurah,
bak jih nyan meuhat
Lhuehnyan bak teumat, baroe
juet tamoeng
Meunan keuh cara, nyangka
di adat
Keubiet lisek that,
akai si inoeng
Awai tabayue, dudoe tapeurab
Umpama meuhat,
ta nonton filom
Di Banda aceh,
urueng rame that
Yang leubeh hebat, peukan
peunayoeng
Di tungku Abed,
meunan sit meuhat
Direuham leungat,
peujaroe langsoeng
Lhuehnyan u dalam, tamoeng le
leugat
Keudeh bak teumpat, si
inoeng bajueng
Inoeng Zaniyah,
bagah jipeurab
Bak jaroe jimat, laju
le langsoeng
Lhuehnyan jipeuduek,
keudeh bak teumpat
Sit kalhueh siap, tika
meususoen
Di tungku abed,
yohnyan phoen lezat
Ohban geulihat,
nikmat lam geudoeng
Sipre mirah hu, keulumbu
kasab
Kasoe meunyap nyap,
meu ek ngoen meutroen
Bantai meubungoeng,
meukeunoeng that that
Kipah meulhat lhat, meu
ayoen ayoen
Deungoen bee bee wan, macam dum
meuhat
Meubee meusap sap,
tamoeng lam hidoeng
Dum minyuek ata, bak
ija jilhap
Rata jeut teumpat, lezat bee
haroem
Inoeng Zaniyah, meukeumah
leugat
Nyang phoen phoen
meuhat, jiboeh ija kroeng
Ohlhuehnyan bajee,
teunte jisamat
Abed bak teumpat,
nafah meu ek
troen
Tinggai sit beha, siluwue
cawat
Asoe jih padat, punoeh
keukitoeng
Di tungku abed, siblet
geulihat
Badan meutatat,
geunta lam jantoeng
Jisuet lom beha, ceulana
cawat
Badan jih bulat, meuhat
ka teulhoen
Tanle bak badan, beunue
si urat
Takaloen hebat,
gunoeng geurudoeng
Dua sibanja, meucula
bulat
Sinan keuh teumpat, tapeuduek seutroem
Kulet jih puteh, meukuneng langsat
Boh dada bulat, lage
tempuroeng
Astaufirullah, meuah
lon harap
Karoeh meusurat,
narit yang siroeng
Inoeng zaniyah,
leupah that laknat
Jeut neujak lihat,
han neupateh lon
Bek dile jamuen, takhuen riwayat
Jinoe pih meuhat, le that yang teulhoen
Jicoek teuladan, aliran
barat
Phoen phoen di lihat,
sideh lam filom
Nibak masanyoe, ka
meunoe adat
Peuleumah aurat,
kajuet keu rukoen
Male hanale,
jahe juet teumpat
Meutamah sisat,
sampoe u gampoeng
Bek that tatiru,
lagu di barat
Peulara adat,
bek salah hukoem
Sikrak sikatoe, narit nasehat
Narit peu ingat, keu
wareh kawoem
Geutanyoe aceh,
leubeh martabat
Diphoen bak daulat,
poteumeureuhom
Bek taboeh kada,
bangsa meudaulat
Bek tueng tabiat, bak
sigma bakoeng
Ta buka tarekh,
tayoeng riwayat
Yoeh gohloem teulat,rab rhoet lam uroeng
Gisa saudara,
sigra tataubat
Yoh gohlom laknat, keunoe lom geupeutroen
Gisa hai kawoen,
bak hukoem kitab
Kalimah syahdad, peuteupat
rukon
Mita eleume,
peureule syarat
Meukroeh ngoen sunat,
haleu ngoe haruen
Meutan eleumee, teute roeh
sisat
Nyankeuh juet seubab, meuhat meuronron
Teunte tatiru, ban laku
hajat
Hana tatupat,
uram ngoen ujoeng
Meunan hai taulan,
rakan ngoen sahbat
Dua boeh ayat, yangka
lon singgoeng
Jinoe tagisa,
nibak mula bab
Haba hikayat, jinoe tasamboeng
“TEUKA ILHAM “
=========================================
Meukru seumangat,
rahmat meuganda
Akan saudara,nyangna deungoen bang
Buhu lon balek,
titek ngoen koma
Jinoe calitra, deungoen lon peutrang
Inoeng Zaniyah, leumah
anggota
Hana le ija,
bulat teulanjang
Bak tungku abed,
peurab le sigra
Jicoem ngoen jiwa,
ban saboeh badan
Jieh lam lumueng, jiphueng deungoen pha
Ka jipeuraba,
dum asoe
idang
Di tungku abed, ka
geupet mata
Hate lam dada, rasa ka goyoeng
Jaroe meutotoet,
badan meugeumpa
Gadoeh seulera,
katroek ileuham
Sang sang bak Arasy,
leumah dueh nyata
Abed mulia,
dalam buet curang
Dalam buet maksiet, teumpat meureuka
Teumpat meuzina,
yang that geularang
Gobnyan bak Tuhan, dalam
meureuka
Dalam geuceula, le sifuet
Rahman
Meunan bak Arasy,
leumah deuh nyata
Abed le sigra, geunta
lam badan
Gaki meutotoe, baho
meugeumpa
Susah lagoe na, abed
masanyan
Inoeng zaniyah,
bagah pareksa
Pakon kakanda,
meugeumpa badan
Pakon ka pucat, lon
kalon rupa
Pue tan biasa, yang
meunoe macam
Keusoe teuka yoe,
sinoe lam kamba
Geutanyoe dua,
laen sidroe tan
Peugoet hai tungku, laju
ban hawa
Pue lom neutunda, wahe e cut
bang
Bek rugoe mantoeng, tamoeng lam
kamba
Rugoe beulanja,
dumna dirham
Rugoe di jeuoh,
keunoe troek teuka
Neuhala jeumba,
jak bak lon tuan
Ohban troek keunoe, kayoe
meugeumpa
Pakon kakanda,
han ek
makanan
Di gob gob laen,
tan meunoe cara
Gohlom lon buka, laju
jipadan
Meunan di inoeng, di tanyoeng haba
Abed mulia,
jawueb le rijang
Meuka tatayoeng, hai
nyak bungoeng la
Deungoe le gata,
jinoe lon peutra
Dilon bak buetnyoe, hantoem biasa
Nyang ulon cuba, cit
nyoe sekarang
Nyan juet adoe beoh,
tuboeh meugeumpa
Keu Tuhan esa, teumakoet han
ban
Takoet geupasoe, dalam
nuraka
Raya that siksa, teuma
komdian
Kareuna urueng, yang
pubuet zina
Akhirat teuma,
Azueb hana ban
Jinoe hai adek, yang
baek rupa
Izin bak gata, ulon jak riwang
Izin hai adoe. Lon
jak woe sigra
Bek teumeureuka,
dilon bak Tuhan
Nyangkeuh juet jinoe,
lon jak
woe lanja
Yoeh gohlom bala, timpa
bak badan
Siploeh deureuham,
halue keu gata
Meusinuek hana, lon
lake pulang
Di tungku abed, meunan
keuh haba
Di inoeng teuma, suot
le rijang
Tungku pang ule, bek dile
gisa
Bacut truek haba, cuba
neupeutrang
Tungku pat gampoeng, keunoe neuteuka
Soe geuhoe nama, di tungku abang
Kupue tatayoeng,
hai bungoeng jeumpa
Kupue pareksa,
nama lon tuan
Kadang soe tupue, hai tungku teuma
Juet meusaudara, geutanyoe kadang
Teuma geujawueb,
laju le
sigra
Nama di hamba,
tungku usman
Teumpat di ulon, gampoeng
seuniya
Di Arabia,
wilayah sudan
Habeh geupeugah,
bandum peukara
Abednyan teuma,
geutroen le rijang
Abed ka geutroen, langsoeng geugisa
Tuhan peulara,
nibak buet curang
Hana teusiruek,
nibak buet zina
Beureukat doa,
bandum amalan
Takoeh trieng beutoeng, rancoeng keu suda
Uram trieng tuha,keu tameh rangkang
Keu tungku abed, teuduek
calitra
Katroeh geugisa,
gampoeng halaman.
Meusyuhu matang,
geulumpang dua
Nyan geukhuen nama, nanggroe peusangan
Ngoen amma bakdu, laju
lon rika
Tapuwoe haba,
akan inoengnyan
Leupah meucuhu,
tungku ti Hawa
Ek juet geucipta,
indra Budiman
Buhu lon ubah,kisah
lon tuka
Salah ngoen beuna neutimang timang
Astaufirullah,
rab salah haba
Hana lon saja,
meuraba keunan
Inoeng zaniyah,
kisah lon buka
Di dalam kamba,
nibak masanya
“ROH BAK TAUBAT “
=========================================
Iradah Tuhan, nyan
Po Alamnyoe
Atueh tiep tiep
syoe, Tuhan kuasa
Inoeng zaniyah, kisah lon khuen proe
Oh leupah geuwoe, Abed
mulia
Di dalam hate,
teupike keudroe
Pakoen ulon nyoe, sabe
lam dausa
Seudangkan lon eu, di tungku
bunoe
Dalam hal buetnyoe,
baroe geucoba
Ohban geuneukci,
meuri laju nyoe
Keu uroe dudoe, azueb
nuraka
Seudangkan gobnyan,
saban ngoen lonnyoe
Saban sit bagoe, roe
manusia
Tuhan digobnyan, pih
tuhan kamoe
Oh uroe dudoe, saban
geuseksa
Bak tungku abed, juet
lon coek conto
Pakoen gobnyan nyoe,
akan nuraka
Digobnyan baro,
geuneukci sigoe
Dilon tiep uroe, dalam
buet zina
Meuthoen meubuluen,
malam ngoen uroe
Dilon lam buetnyoe,
hana tom
reuda
Leubeh that seksa,
keupada kamoe
Oh uroe dudoe, meulipat ganda
Ulon meusumpah,
diphoen uroenyoe
Hanle lon peutoi, nibak
buet zina
Jinoe lon taubat,
meuhat nibak Po
Oh uroe dudoe, bekle
geusiksa
Meunan keuh leumah, di inoeng binoe
Hana le laloe,
taubat nasuha
Jicoek pakaian,
jingue bak asoe
Konle ban baroe, leumah
anggota
Jitoep jendela, hana ngieng sahoe
Ka jiduek sidroe, di dalam kamba
Jiroe ie mata, malam ngoen uroe
Mohon nibak po,
beu ampon dosa
Ruku’k ngoen sujud,
bacut tan laloe
Ka jiseusai droe, atueh
buet yangka
Jikhuen
iktigfar, hana tom tuwoe
Tuhan jipujoe, hana tom
lupa
Meunan keuh macam,
malam ngoen uroe
Hana tom laloe,
taubat nasuha
Mangat sileupah,
lincah coet uroe
Putik boeh panjoe, culoek ngoen sira
Mangat sileupah,
kisah taduengoe
Meunyoe tagantoe,
buhu ngoen haba
“ HAJAT
MEUKAWEN “
=====================================
Syahdan adaphoen, buhu
lon ubah
Alhamdulillah, karab
seuleusoe
Haba lon seumoeng, inoeng zaniyah
Taqwa keu Allah, malam ngoen uroe
Uroe ngoen
malam, dalam ibadah
Jiseuboet Allah,
hana tom laloe
Jiseuboet zikir, sabe
dibabah
Jimeukarabah, keu Tuhan
sidroe
Atueh buet nyangka,hingga ka
teulah
Bak buet kaleupah, ka
jiseusai droe
Ji ingat siksa,
raya sileupah
Urueng meumukah,
dalam donya nyoe
Taufik bak Tuhan, deungoen hidayah
Pikiran leumah, di inoeng
bunoe
Leumah lam hate, pike
yang warah
Bah lon meunikah, Kaman le
jinoe
Bah lon meukawen, atueh jalan
sah
Khuen
Rasulullah, fahla le
sinoe
Sinoe na bacut, amai
meutamah
Raya faedah,
takhadam lakoe
Ngoen tungku Abed, sabet
yang meugah
Uloen meunikah, ngoen gobnyan
jinoe
Kareuna gobnyan, ulon
meutuah
Bak jalan Allah,
hingga ulon woe
Lon tueng keu
gure, teunte patoet sah
Suroeh ngoen teugah, ulon
meuruenoe
Gobnyan keu sidroe, lakoe
ulon sah
Neubri ya Allah, beu
ek meusampoe
Meunan keuh mohon, inoeng
meutuah
Ileuham ka teuhah,
bri Tuhan sidroe
Bek le that paying, nadham lon
peugah
Ngoen cara ringkas,
uloen hareutoe
Hingga inoengnyan, yoehnyan
meukeumah
Pakayan bagah,
jingue u
asoe
Jingue pakayan, na
bagoe syiah
Bacut tan leumah, meu
ujoeng jaroe
Ngoen cadar muka, teuma
lon bagah
Hanale leumah,
meucaya gigoe
Coek ngoen hareuta,
sikada mudah
Deungan meuh, meuntah
rabna sikatoe
Jeuneh makanan,
meunan sit surah
Hana pue peugah,
laen sinaroe
Sigoe brat unta, peudieng le bagah
Untuk hadiah, keu
tungku lakoe
Hingga ka siap,
leugat jilangkah
Peudieng peukakah,
bandum sinaroe
Deungan dendayang,
rupawan indah
Yang ceudah ceudah,
kada padum droe
Jalan beurawang,
simpang u lipah
Na saboeh dayah,
teumpat meurunoe
Haba lon reupang, bek
payang leupah
Inoeng zaniyah,
hingga ka sampoe
Bak urueng gampoeng, jitayoeng bagah
Pat toeh daerah, rumoeh tungku
nyoe
Le urueng sinan, yoeh nyan jipeugah
Jitunyoek pantah,
ngoen ujoeng jaroe
Lhuehnyan marit lom, inoeng
zaniyah
Ka jipeurintah, bak
urueng sidroe
Meunyoe ka meunan, rakan
meutuah
Tuloeng yue langkah,
siat bak kamoe
Sinoe ulon preh,
daleh neupeugah
Peuruele leupah,
deungon tungku nyoe
Teuma urueng nyan,
yoehnyan le langkah
Teuma le bagah,
yoehnyan ka sampoe
Bak tungku abed, leugat
jipeugah
Na gob yue langkah, hai
tungku jinoe
Abed geu suot,
ngoen insya Allah
Hana pue salah, wahe
rakan droe
Abed pih sigra, hingga
meukeumah
Geujak le bagah, hingga
ka sampoe
Oh troek bak
teumpat, inoeng zaniyah
Tapi bube drah,
hana geutusoe
Nibak masanyan,
inoeng zaniyah
Laju jipeuhah,
tutoep muka droe
Le tungku abed,
geukalon leumah
Oh geu eu wajah,
akan inoeng nyoe
Hingga geuturi, inoeng
zaniyah
Ingat seujarah,
masa saboeh roe
Meugeumpa badan,
pikeran susah
Tungku meutuah,
yoehnyan teuka yoe
Yoehnyan di tungku, laju
kareubah
Hana le nafah,
jantoeng neuh kadhoe
Tungku hanale,
mate ka reubah
Nyawoeng bak Allah, kaleupah jiwoe
Urueng meuhudom,
bandum le bagah
Tungku ka reubah,
jikalon bagoe
Ohban jikalon,
hana le nafah
Inoeng zaniyah, yohnyan ka jimoe
Bukon le saying pisang, ka leubah
Tacoek taplah plah,
adee lam
uroe
Alah e Tuhan, ulon
paban bah
Keubiet tan tuah, lon
lam donya nyoe
Bukan le saying,
karang boh panah
Seunalop leumah,
tupe jak seudoe
Lon cre digampoeng, keunoe lon
langkah
Hajat meunikah,
deungoen tungku nyoe
Bukon le saying,
parang ka patah
Hanjuet le tacah,
utuen meuduroe
Lon me hareuta, pue
pue na mudah
Hajat lon seurah, akan
tungku droe
Hajat han sampe, wahe
ya Allah
Lon neuk tueng
beusah, tungku keu lakoe
Tungku hana le,
mate ka
sudah
Ulon neukeubah, dalam
donya nyoe
Lon nuke meugure, eleume Allah
Suroeh ngoen teugah,
lon nuke meurunoe
Akan teutapi, pakri
lon pabah
Tungku ka leupah, dile
phoen neuwoe
Tungku beurangkat,
keurahmatullah
Hana sipatah,
gohlom lon muproe
Baroe sikeujap,
lon lihat wajah
Tungku ka reubah,
ajai ka
sampoe
Pakri keuh untoeng, ulon
ya Allah
Bekle neukeubah,
dalam donya nyoe
Neucoek beusigoe,
jinoe beubagah
Tanle faedah,
tinggai lon sidroe
Ngat saboeh jeurat, sapat
jeunazah
Ngat sigoe leupah, bandua kamoe
Meunan keuh ba ee,
inoeng zaniyah
Ie mata johjah,
raya that jimoe
Campli bule hueng, keu eung meuleupah
Teumon silincah, boh
limeng magoe
Habaran ba ee, ohnoe
ka sudah
Meule beurakah,
lon takoet rugoe
Deungan ajaeb,
Subhanallah
Lon puwoe kisah, hoe
laen jinoe
Keu tungku abed, saboeh
lon peugah
Geucoek jeunazah,
bagah poeumanoe
Seumanoe pih lhueh, peugafan sudah
Hanpeu lon peugah,
paying that rampoe
Ohlhueh seumbahyang,
akan jeunazah
Geuba le bagah, bak
kubu jinoe
Ohlhueh
seumiyueb,geusamadiyah
Bulueng seudeukah,
geubeudoh geuwoe
Ohnoe boh hate, akhe
lon peugah
Ka tamat kisah,
keubah tungku nyoe
Meugah meusyuhu, bayu
ngoen pandrah
Sinan seujarah,
dile saboeh roe
Kisah taseumoeng,
inoeng zaniyah
Jimarit bagah,
teuma le jinoe
Wahe dum taulan, rakan
meutuah
Narit sipatah,
lon tayoeng jinoe
Tungku yang tan, pakriban
ulah
Nakeuh
geukeubah, aduen ngoen adoe
Aduen ngoen adoe, saudara
droe sah
Yakni saboeh yah, deungoen
tungku nyoe
Kareuna dilon
,hajat meuleupah
Lon neuk meunikah, ngoen salah
sidroe
Meunan teumayoeng,
inoeng zaniyah
Geu suot bagah,
le urueng sidroe
Tungku abed
nyoe, cupoe meutuah
Meubek na salah, na
sidroe adoe
Saudara
kandoeng, sima si
ayah
Gohlom meunikah,
deungoen beurangsoe
Akan teutapi, gasien
meuleupah
Akan nafakah, han glah
meukeudroe
Oleh uruengnyan,
meunan geupeugah
Inoeng zaniyah, suot
le meunoe
Akan hareuta, hana
pue salah
Cukop na mudah, nyoepat
bak kamoe
Bandum atra nyoe,
ulon hadiah
Asai meunikah,
geutem ngoen kamoe
Geulantoe aduen,
lon tueng keu tuah
Adek gobnyan sah,
lon tueng keulakoe
Keunoe lon teuka, bek
sia payah
Tuloeng seuleuah,
siat keu
kamoe
Meunan keuh jikhuen, inong zaniyah
Karena Allah,
kon meudeh meunoe
Limoeng blah sya’ban,
malam bara ah
Teutoeb
seujarah, laba ngoen
rugoe
Haba lon reupang, bek
payang kisah
Hingga meunikah,
dua urueng nyoe
Ohlhueh meukawen,
meusyen ngoen dausyah
Hantoem meusihah,
jarak ngoen lakoe
Jikhadam lakoe,
tiep uroe Allah
Hantom meubantah,
rotdeh ngoen rotnoe
Meugaseh saying,
intan meutatah
Nikmat meutamah,
lakoe ngoen binoe
Geupubuet suroh, peu
jueoh teugah
Yang larang Allah, sagai
hana toe
Seumbahyang limoeng,han
tom geukeubah
Geupujoe Allah,
malam ngoen uroe
Lakoe ngoen binoe, ka
sahoe arah
Nibak buet salah, tan roeh meusidroe
Tanda inoeng nyoe,
jinoe meutuah
Karonya Allah,
yang po
alamnyoe
Anuek pih lahe, kande
meutuah
Meunurut kisah, dua dua
droe
Dua dua droe, sigoe
wiladah
Dalam seujarah,
meunan keuh bagoe
Hingga padum thoen, meunan
bagoe sah
Oh ta jeumeulah,
na tujoeh ploeh
droe
Pangkat ambiya,
anuek meutuah
Geunaseh Allah,
ban tujoeh ploh droe
Beureukat ummi, taubat
bak Allah
Dalam seujarah,
meunan keuh bagoe
Di dalam kitab, meunan
geupeugah
Kon keu beurakah, haba ulonnyoe
Nyoe han neupateh,
keudeh jak peusah
Neuci jak peuhah, lam
kitab jawoe
Wallah hu alam, kalam
ka sudah
Raya faedah, soe soe
yang deungoe
Leubeh ngoen kurueng,
lon lake
meuah
Amin ya Allah, sudah
seuleusoe
-----------------0000--------------------------
“MEUKEUSUD HABA”
======================================
Para pembaca, putra
ngoen putri
Yang lon hormati, tuha ngoen muda
Tiep tiep calitra, na
inti sari
Bukoen pantasi, keu gura gura
Meukeusud haba,
yangka lon rawi
Deungoe lon khuen
kri, tema calitra
Bak tungku abed, tacoek
bukeuti
Baroe geuneukci, kagli
ngoen geunta
Takoet keu siksa, nuraka
geubri
Kemudian hari,
di yaumil masya
Tacoek teuladan,
rakan jauhari
Nyoeka tiep kali, dalam
buet zina
Pakoen meubacut, tan
kuyut hati
Keu Azueb Rabbi, dalam
nuraka
Contoh keu dua, teuma
lom lagi
Tacoek bukeuti,
bak inoeng peuzina
Pandum trep jamuen,
dalam buet keuji
Meugisa lagi,
bak jalan beuna
Ohban jitaubat,
taat keu
Rabbi
Tuhanku neubri,
roeh meunahgia
Sampe na anuek, ngoen
pangkat nabi
Beureukat ummi,
taubat nasuha
Urueng yang taubat,
gaseh ilahi
Syuruga tinggi,
geubri keu gata
Taubat bak maksiet, wajeb khuen
nabi
Yoeh goeh teu kunci, pinto teubuka
Yoeh goehlom teulat, taubat hai akhi
Riwang keumbali,
bak jalan beuna
Sit ka patoet
hak, nasehat lon bri
Seubab bukeuti,
dali yang nyata
Le that penzina,
sana ngoen sini
Kajuet keu hobbi, reusam
lam donya
Kajuet keu adat, umat
islami
Badan jih seu-I, meutan
meuzina
Nyan saboeh bangoen, inoeng yang tari
Mita raseuki, sinan
beulanja
Astaufirullah,
leupat that keuji
Bekle terjadi,
lage buet yangka
Beu ek mustajab,
nasehat lon bri
Hai kawoem putrid, beu
meubahgia
(El-Abdul Muthaleb)(Tgk Diyueb bruek)
0 komentar:
Posting Komentar