“Inoeng Tsunami”

   Oleh : SULAIMAN.A.GANI

=========================================

Dalam krueng jeunib bate meusarah,

 dalam krueng pandrah jimudek buya

,Na keujadian rakan meutuah,

 meunoe ban ulah uloen peukhaba,

Na sidroe inoeng lakoe musibah,

 teukeudi Allah ka Tsunami  ba

Sampoe nan buluen han meupat arah,

 rata daerah kalheuh jak mita

Oh akhe dudoe sidara ceudah,

 ka jimeunikah ngoen lakoe muda,

Umu lhe buluen ohlheuh menikah,

 neubri le Allah kandongan kana,

Kana kandongan lhe buluen sudah,

 Dokter yang peugah hasil pareksa,

Nibak watenyan Teukeudi Allah,

 lakoe musibah katroek jigisa

Lakoe phone kawoe rakan meutuah,

 Wali ka susah pakriban cara

Jineuk coek pulang kalheuh menikah,

Sidara ceudah kandongan kana

Jinoe ka karu rakan meutuah,

 Kajimeureupah  keuneuk plah dua,

Rakan neutuloeng  kitab neupeuhah,

ngoen Hukom Allah pakriban cara

( Tgk Diyueb Bruek/Sulaiman.A.Gani)