Oleh : SULAIMAN.A.GANI
=========================================“
Assalammua’laikom, kawoem saudara
Tuha ngoen muda, keu bandum
wareh
Keu mak ngoen Ayah, yangna
Sidara
Duson ngoen Kota, Bandum lon peuceh
Beuneupeu ingat, bak
Anuek Dara
Beugoet neujaga, Bintang peureuseh
Yoeh goehlom laye, Bungoeng kupula
Yoeh mantoeng gata, le
urueng gaseh
Bacut peu ingat, ulon
bak gata
Beugoet tajaga, maruah dek
puteh
Beugoet jaga droe, Gat hai dara
Bek roeh buet dosa, jalang ngoen paleh
Gata hai nyakti , bungoeng
kupula
Lagak that rupa, sinyak
puteh gleh
Beugoet jaga droe, sigoloem mala
Kumbang jiteuka,
madu peu
habeh
Meunyan peuneusan, ulon bak gata
Hai anuek dara, yang ulon gaseh
Meutan le madu, hanle soe
hawa
Ditinggai gata, jitiek
lam binteh
Sit sifuet kumbang, lagenyan
cara
Meugoeh troek hawa, bandum
jipateh
Bandum jitem bri, pue
gata hawa
Hana meudakwa,
dengan meulanggeh
Tapi meukatroek,
mupue jihawa
Jitinggai gata, hai nyak
puteh gleh
Kupue lom guna,
bungoeng ka mala
Kalhueh gob cuca, madu
ka habeh
Oleh seubabnya, hai
bungoen langa
Beugoet ta jaga,
madu goeh habeh
Bungoeng ka laye, hana
soe hawa
Kalhueh goeb cuca,
kajak boeh keudeh
Meubu ka basi,
pane soe
hawa
Meunan umpama,
hai nyak puteh gleh
Tanda lon sayang,
Adoe keu
gata
Nasehat maja, beuna
tapateh,
(Tgk Diyueb Bruek/Sulaiman.a.gani )
0 komentar:
Posting Komentar