“HABA NASEHAT “

“HABA NASEHAT “

  Oleh : SULAIMAN.A.GANI.

============================

Lincah coet uroe, boh panjoe patuen

Asam boh kiyuen, campli ngon sira

Bacut nasehat, nyoepat  bak aduen

Beuleuhuen leuhuen, peuseutoet donya

Donya nyoe bangke, meunan Nabi kheun

Peu ingat bandum, umat lam donya

Yang seutoet Bangke, nyan Asee  bandum

Meunan lon maklum, Hadis  saidina

Hawa lon leupah, lincah coet  uroe

Lincah bak adoe, sang leupah sira

Ude lam donya, bek beurangkahoe

Akhirat dudoe, nanggroe  kalbaka

Nyan udueng reuboeh, Asam teucicah

Lawan bu kulah, mangat alaihem

Udep lam donya, Nabi  neupeugah

Tamse tasinggah, Tawoe hoe laen 

Lawan kuwah pliek, boeh itek masen

Ngoen eungkot kareng, ta samalado

Donya Akhirat, bandua  peuteng

Lahe ngoen bathen, beugoet  tapakoe

Mangat kuwah ie, gule  on muroeng

Lawan boh jantoeng, ngoen eungkoet paya

Udep lan donya, meu untoeng untoeng

Yoh goh ta  aroeng, Blang padang masya

Blang padang masya, luah meuhayak

Lhe ribe thoen jak, tapasang  guda

Ngoen mata uroe, di atueh  talak

Pakriban tajak, amai tueh  hana

Bu beule le, eungkoet beucut  cut

Donya ta ikoet, Akhirat geuyue tuntut

Hudep lam donya, wahe tungku cut

Bek tuwoe pubuet, keu pangkai  gisa

Nabi Hantom, neumeulumpo

Malam uroe, silama lama

Meuseumeungup,  nabi pih tan

Jameun,sipanjang masa

Binatang kluet, hantom jiplueng

Jimeuteumue ngoen maulana

Lalat nyamoek pih han ton rhoet

U bak tuboeh yang mulia

Keu ngoen likoet dueh neukalon

Hana teusoem bak maulana

Neutoh iek ek  beukasan tan

Wajeb taulan tapeucaya

Hate nabi, hantom teunguet

Yang teupet dua mata

Meubayang tan dalam uroe

Hiruen laloe takalon rupa

Wate neuduek lam kawan le

Mayang baho di maulana

Yoh wiladah tan meuligan

Kalhueh khatam yoeh masa na

(Tgk Diyueb Bruek/ Sulaiman.A.Gani )

Tanggal  26  Oktober  2012