"Beuna ingat"

   Oleh : SULAIMAN.A.GANI
═══════════════════════════════════════
Assalamu'alaikum, ban mandum sahbat,,
Saleum loen intat, lam donya maya,,

Saleum lam rika, kata meu surat,,
Makna tersirat, peungalaman yang ka,,

Memang lam hudep, bak dali adat,,
Tanyoe han teupat, seunipat mulia,,
Kadang na ceudra, bak meumat alat,,
Roeh  salah sipat, han teupat banja,,

Kadang roeh meubloeh, lam pageu meukawat,,
Karoh  meusapat, sajan ie tuba,,
Yang goh lom sadar,  ulon  peu intat,,
Yoh  goh lam jeurat, ajai troeh teuka,,

Ladom na hate, yang ka brat batat,,
Lidah sang nyum klat, hana le rasa,,
Bak ikoet masa, gaya sangkilat
Sampoe meukeumat, suwah ta hila,,

Meunyoe roh meunan, hai rakan sahbat
Tanyoe grob kawat, goeb khem meu ha ha,,
Bagah  tagisa , bak jalan
Uroe akhirat, koen rekayasa,,

Hudep lam donya,  beu  dalam ingat,,
Ban mandum nikmat, po yang kuasa,,
Raseuki ta mita, sujud bek teulat,,
Useuha beu teupat, sabe tiep masa,,

Babah ta peugah , yang na manfa'at,,
Jaroe ta ikat, bek roeh lam dosa,,
Bek sampe ceula, gadoeh  meuneumat,,
Timu ngoen barat, arah tanle na,,

Balek meutuah, gisa u barat,,
Pujoe hadzarat, zikir lam dada,,
Taubat nasuha, gata seulamat,,
Donya akhirat, leupah bak mara,,

( Tgk Diyueb Bruek)12/09/2010