Pages


Kamis, 07 Maret 2013

BALA AKHE JAMEUN



Oleh : SULAIMAN.A.GANI
=====================================
LAGI AKAN TROEK ATEUH UMMAT LOEN
SUATU ZAMEUN NEUKHEUN LE NABI
NIBAK MASANYAN JIPLUENG UMAT LOEN
NIBAK SI ALEM PEUJEUOH DIRI

            AKAN ULAMA HAN LE SOE JUNJOENG
            JIMEUNIET PATOENG HAN LE HAREUGA
            ADAK GEUPEUGAH LAM BIDANG HUKOEM
            JITOEP GEULINYOENG JIDEUNGOE HAN LE

MEUNYOE KA MEUNAN, AKAN UMAT LOEN
BALA NEUPEUTREON OLEH ILLAHI
NA LHEE (3) BOH BALA TUHAN NEUPEUTROEN
PEUREUTAMA PHOEN KUREUEG RASEUKI

            BEURKAT USAHA NIBAK UMMAT LOEN
            GEUTAREK LANGSOENG HANA LE GEUBRI
            ADAK TAMEU U, MEUTALOE JOROENG
            HAN LE MEUTEUMEU SIGUNCA PADE

BALA KEUDUA KARONNYA RABBON
RAJA KA LAKLEM DIDALAM NEUGRI
HANA LE ADE LAM BIDANG HUKOEM
RAKYAT KA ANG ONG SUSAH BUKON LE

            BALA YANG KEU LHEE (3) KARONYA RABBON
            OH TEUBIET NYAWONG IMAN HANA LE
            NA U ZUBILLAH TALAKE LINDOENG
            GEUTANYOE BANDUM IMAN BEK REULE

MAKA DISINOE TANYOE COK MUPHOM
BALA NEUPEURROEN OLEH ILLAHI
(  Tgk Diyueb Bruek )

0 komentar:

Posting Komentar

Komentar FB :