ACEH KA AMAN

ACEH KA AMAN
==========================================

Oleh : Tgk Diyueb Bruek/Sulaiman.A.Gani

SIMPANG LAMBARO ,JALAN BLANG BINTANG
LAPANGAN TERBANG, INDAH BUKOEN LE
KEU NANGGROE ACEH, BACUT LOEN BAYANG
JINOE KA AMAN ,KARU HANA LE

BAROEKOEN RAKYAT, SUSAH HANABAN
UROE NGOEN MALAM ,JIMEUSU BUDE
HANJEUT LE TEUBIET, OH WATE MALAM
KA TEUTOEP JALAN, RASEUKI TAN LE

OH LHEUH TSUNAMI, ACEH KA AMAN
JITEKEN DAMAI, SIDEH HELSINKI
HASIL SEUPAKAT, R.I. DEUNGOEN GAM
DUA AWAKNYAN, KALHEUH MEUJANJI

DUEK SABOEH MEJA, R.I. DEUNGOEN GAM
ACEH NGAT AMAN, BANGUN KEUMBALI
BEKLE SU BUDE, TIEP UROE TUHAN
MANGAT JEUT AMAN, ,MITA RASEUKI

OH KALHEUH JISAH, NYAN UNDANG UNDANG
ACEH KA AMAN, LAGE YOEH LAWI
RAKYAT LAM NANGGROE, KA MEURI SEUNANG
SEUBAB KA AMAN, MITA RASEUKI

WATE PILKADA, NEUBRI LE TUHAN
HANA BICAH PRANG, DAKWA NGOEN DAKWI
RAKYAT MEPESTA , HANA GANGGUAN
ACEH LAM AMAN, TUHANKU NEUBRI

HASIL PILKADA, NIBAK UROENYAN
CALOEN YANG MEUNANG, NYAN DATOK ZAINI
DEUNGOEN MUALEM, WAKIL DIGOEBNYAN
CUKOEP SIPADAN, DUA SIJOLI

TANYOE MEULAKE, KA NIBAK TUHAN
DUA AWAKNYAN SEHAT ,BEUNEUBRI
BEUSEHAT TUBOEH, LUA NGOEN DALAM
GEUMAT PIMPINAN , BEUJEUOH KROPSI

TAPI TAKALON, JINOE PAKRI BAN
JANJI AWAKNYAN, GOHLOM NA BUKTI
WATE KOMPANYE, DILE SABOEH JAN
MEUMACAM RAGAM, KA DIMEUJANJI

MEUPAKON JINOE, KA LAEN MACAM
BANDUM ATRANYAN, KA JIMEU UNGKI
JINOE PEUJABAT, BANDUM AWAK GAM
DARI GUBNURAN, SAMPOE BUPATI

NEUBRI TUHANKU, ACEH BEU AMAN
BEUTROEK LAGE BAN, KALHUEH MEUJANJI
BEK SABE KEUDROE, JINOE BICAH PRANG
BEUJUEK PATOKAN, DAME HILSINKI

NYAN UUPA, BEUJUET LANDASAN
ACEH NGAT AMAN, NEUTUNAI JANJI
POGRAM PRO RAKYAT, NEUBRI ANGGARAN
BEKLE KEU DEWAN, JOEK ASPIRASI

LANGKAH BEUSAHOE, HABA BEUSABAN
PEUJEUOH RIJANG, PEUJABAT KROPSI
KEU URUENG MATE, BEK BRI JABATAN
NYAN KEUJADIAN, LAGE TERJADI