==========================================
Oleh : SULAIMAN.A.GANI
=======================================
Meusoe yang meuheut , bak keubajikan nyoe loen seuboet Tungku dilua neusingeit punyueng , keunoe bacut
Ka neubri fahla, oleh tuhan saban hai tungku cut
Umpama fahla , ureueng yang ikoet wahe budiman
Ureung yang meuhoe , ngoen ureueng ikoet pahla jih santeut
Ka hana kureueng , fahla jih nyan pih meubacut
Meusoe yang meuhoi bak keujahatan , jinoe loen peugah
Ayah bunda droe , adek ngoen abang neudeungoe beusah
Ka neubri dosa , oleh Allah saban bandengan
Umpama dosa , ureueng yang ikuet hai budiman
Ureueng yang meuhoi, ngoen ureueng ikoet dosa jih santeut
Ka hana kureueng , dosa jih nyan pih mubacut
Muphoem disinoe , soe tem usaha le manusia beusunggoeh
Jak bri peutunyoek , jalan yang beuna keu manusia tunoeng baroeh
Kareuna Allah meumasa masa , tuhan bri fahla selama masa terus menerus
Meusoe yang meuhoi bak keujahatan , usaha jihnyan beusunggoeh
Bak jalan sisat koen keubeunaran , meuribee jalan jiba peungaroeh
Uroe ngoen malam jimita rakan, bak keujahatan ka jipeugadoeh
Tuhan bri dosa keujih sikada , lagee ikoetan terus menerus
Dosa han kureueng dum sekalian , lage bandingan han putoeh putoeh
Jak keunoe rakan bak keubajikan, bri peungajaran beusunggoeh sunggoeh
Meunyoe mantoeng na nyawoeng , lam badan yoh na pikiran kuasa tuboeh
Aneuk peureumoeh saudara kawan, raya tanggongan bak maha kudus
Watee geutanyoe uroe akhirat, digata meuhat dile peugadoeh- gadoeh
Loen peugah bak jalan sisat , nuraka jeh pat tamoeng beutumboeh
Menyoe ta ajak bak keubajikan , syuruga lapan tamoeng rie yang roeh
( Tgk Diyueb Bruek, 13/08/2010 )
0 komentar:
Posting Komentar