“JAK APEL MALAM MINGGU “

===============================
Assalamualaikum, rakan meutuah
Bacut lon kisah, haba peunyata
Deungo hai rakan, Supaya beujeulah
Bek sampe salah , dan syoek wasangka

Bak malam minggu,  ulon beut langkah
Honda lon arah, keudeh u kota
Lon jak meutamu, bak dara ceudah
Cinta that leupah,  wahei syedara

Oh ban  troh teuka,  hate pih gundah
Na moto mewah,  merk avanza
Hate lon takot,  jeut keu masalah
Takot na yang reupah,  dara lon cinta

Lon thok thok,  pinto ngoen bagah bagah
Hajat meutuah,  meutatap muka
Teuma oh lheuh,  nyan laen ka leumah
Dara yang ceudah,  teungoh meuseunda

Sidroe peumuda,  jiduek di siblah
Haba jipeugah,  khem be raya
Peu keuh agam nyan,  po moto mewah
Yang keuneuk reupah,  dara lon cinta

Ngon hate peudeh,  ulon boet langkah

Male meulepah, deungoen kecewa

Meunan keuh Nasib, Syedara meutuah

Kalhueh lon peugah, untuk sikada

Seubab kameng gle,  mate bak pala,

Habeh ji seuba,  uram ngoen pucok,

Bak gara gara, Mota Avanza

Cinta dek Maya,  leukang bak tampoek,

Meunyoe hanale,  rimung lam rimba,

Bek meuraja lela,  hai kameng landok,

Meunyoe hanale , keulong tacinta,

Keupu dek Tia,  longnyoe tapubroek,

Meunyoe kabenci , simpan lam dada,

B ek ba peusuna , keulong hai dek euk

K arna bang nyoe ,  pih  manusia,

Teunte na rasa , di dalam lubok..

========================================