“ BOEH PISANG “

=================================

Salam'alaikom , Saleum lon layang

Keu bandum rakan, tuha ngoen muda
Hajat lon kisah, Panton boeh pisang

Kiren keu rakan, dusoen ngoen kota

 

Meugah di Bireuen, Keuripik pisang

Meugah di matang, keude meubanja

Sira lon duek duek, haba lon karang

Panton boeh pisang, ulon bri  nama

 

Oen Pucoek muda, geubaloet timphan

Payeh hai rakan, oen pisang  tuha

Bek neupeujayeh, panton boeh pisang

Baca hai rakan, kalhueh lon rika

 

Tam tom geulanteu , dilanget manyang
Troeh awan hitam , ujeun ji teuka
 Wahe e rakan, bek anggap gampang
Walau boeh pisang le that meuguna

Geupeugoet dughoek,  teumoen ie diblang
Geuboeh boeh pisang,  mangat terasa

Geulawoek ngoen u, Ungkhue geupeunan

Ladoen hai rakan, geureuboeh  saja

Na cit yg ladom ,peugoet boeh pisang
Geuboeh la ayan,  geucroeh keu bada
Geulawoek tupong,  geujampu bawang
geuboeh lam balang , keujamei teuka

 

Geuplah geu ade, beuthoe hai rakan

Pisang sale geupeunan, lagenyan cara

Ladoem geubaloet, pisang di dalam

Molen gepeunan, wahe  saudara

 

Keu naga sari, pih geuboeh pisang

Pasoe u dalam, teupoeng seulingka

Na pisang thoe, eumpeng u dalam

Gantoe minuman, peuleupie  dada

  

Na sit yang geutoet, atau geupanggang

Tamah meulisan, mameh that rasa

Meumacam bagoe, geupeungoet pisang

Meumacam ragam, meule that guna

Nacit yang ladoem,  geupeugoet timphan
Geuboeh boeh pisang , mangat tersa
Geubaloet lam oen , boeh U di dilam
Mangat hanaban,  watee tarasa

Nasit ladoem lom , ta eu hai rakan
Geureuboeh pisang,  le ma sidara
Geulawoek ngeon U, geukoeh geucang cang
 Meunyan geuboh nan,  pisang oksida

Na cit yang ladom,  peugoet boeh pisang
Geucroeh hai rakan,  keuripek nama
Lam kuah tuhe , geuboeh boeh pisang
 Meunyan Makanan,  keu ureung tuha

Nacit yang ladoem,  peugoet boeh pisang
Geuboeh lam pingan , keu jamei teuka

Kuwah beulangoeng, geuboeh boeh pisang

Mangat that rakan, na  neuci  rasa

Taeu bak pesta , pih na boeh pisang
Nyan Pisang ayam , geuseuboet  nama

Keu cuci mulut , geupajoeh pisang

Supaya lancer, wate  keulua

 

Ladoem peuleumak, kuwah boh pisang

Wate meujan jan, kurueng beulanja

Manyak masa cut, keu cuwe’ pisang

Gantoe makanan, masa balita

Siticem pala di cong bak asan
Kajiwoe riwang u dalam rimba
Batre ka habeh charger pih ka tan
Kajeut hai rakan oh noe meumada

=======================================