“ Meuprang Tueng Bila “

    Oleh : SULAIMAN.A.GANI

========================================

Dicoeng bak jeumpa, umpueng cicem ngang

Aneuk kleng hitam, jiwoe lam rimba

Memantoeng umu. neubri le Tuhan,

Sit mantoeng jalan, hanjeut binasa

Beuthat jen pari, si raja bangbang

Sihe jen hitam,  pari lam rimba

Jinoe Tuhan bri, si aneuk badan

Neubri le tuhan,  kajeut sikula

Jinoe ji uloen,  kacaoek putusan

Tinggai preh pajan,  tacoek keunira

Ube na wareh,  seureuta rakan,

kalheuh loen peusan,  seubab kareuna

jinoe sang jadeh , kamoe peu ek prang

dan beurangkaban,  loen tuntut bila

tingai bak adoe,  jinoe pakriban

 karena jitham,  ingat saudara

ingat urueng syik,  si poma badan

ingat bak tuhan,  bek daruhaka

meunyoe bak uloen,  ka habeh pike

udep ngoen mate,  bandum loen ridha

rimueng teungoeh eh,  kupue di cungke

bui kaboem rante,  pue jigeulawa

keumuto tanoeh,  kupue dicungke

lam guha sihe,  pue jitiek mitra

dalam abeuk jen,  jijak keumawe

hana jipike,  rugoe ngoen laba

kupue bak aneuk,  jijak boeh sihe

bathen ngoen lahe,  hana meudosa

jinoe ateuh loen,  jisinthoeng sihe

jineuk peumate,  seubab jih hana

loen bela adoe,  sijantoeng hate

bek sampe mate,  buet goenb ilaya

tiep loen meu adoe, kaseb loen pike,

loen bela mate,  asai jih beuna

yang bek dari jih,  pakat meupake

Bathen ngoen lahe, seubab kareuna

alah hai aduen,  ka habeh pike

peunyaket sihe,  sinoe mantoeng na

keudeh tapulang , bak rabbul kade

yang amai sihe,  neubri binasa

beugeulhoem kutoek, beurijang mate

oh uroe page, neubri nuraka

jinoe di uloen, ka sadak pike

dak jeut jinoe le,  loen tuntut bila

kuproeh tangkurak,  utak kucungke

darah yang ile,  kijeip meutaga

meuhanjeut kupoeh,  ikat ngoen taloe

ngoen rante beusoe,  baja manila

teukedi han ek ,kupoeh oh uroe

pakat wali droe, malam kumita

sidumnan saket, hate uloennyoe

seubab aneuk droe,  jijak ilanya

 kiban bak aduen, jinoe tapike

 timbang lagenyoe,  nasib tarasa

bah loen jak tafa,  lam gunoeng sawang

loen coek peunulang, meunasah dua

kiban bak aduen, pue juet lagenyan

bahle loen tinggai,  sideh lam guha

jikheun le tuboeh, sang laen macam

sang teungoeh muprang,  hadu teunaga

neubantu aduen, kirem pasukan

keungoen loen muprang, bantu teunaga

peurese tuboeh, beureutoeh sang sang

namun lagenya,  teutap loen gaza

doa bak aduen, bek putoeh sagai

adoe dalam prang, bek jeut binasa

Samboeng lom.......................syedara