“Peubrueh Pade “

   Oleh : SULAIMAN.A.GANI

==========================================

Ngoen Kru seumangat, rahmat Tuhan bri
Lon pujoe rabbi, sidroe yang Esa
Seulawuet saleum, lhuehnyan ulon bri
Pang ulee Nabi, rasul Mustafa

Lhuehnyan saleum lon, Khusus ulon bri
Keu adoe Adi, ngoen Banta Indra
Hana lon tanyoeng, pue terjadi
Hana sudi, seubab kareuna

Aduen baroe woe, nanggroe keutanggi
Ka padum lawi, hana dueh rupa
Jak intat anuek, jak peuneuliti
Peugoet Srepsi, tugas sikula

Meunyoe baroe woe, keunoe kembali
Lon buka Fb, Tijoeh ie mata
Sabe keudroe droe, pueka terjadi
Antara Adi, ngoen Banta Indra

Hana lon tanyoeng, hana lon sudi
Hana lom lagi, salah ngoen beuna
Jinoe lon pangge, ngoen hati suci
Keu adoe Adi, Gitulhoh nama

Dalam Grup Pantoen, Keunoe kembali
Pakon peureugi, teubiet u lua
Meumantoeng Aduen, gata hai adi
Hana aduen bri, teubiet u lua

Aduen peutamoeng, Admin lon bri
Pakoen peureugi, permisi hana
Di Banta Indra, yoeh saboeh lawi
Kalhueh peureugi, teubiet u lua

Aduen peutamoeng, gisa keumbali
Admin lon Bri, bandua gata
Jinoe bandua, gisa kembali
Yangka terjadi, peumeuah sigra

 

 Rinyuen lon Suyueng, gata kembali

Bek dakwa dakwi, alasan taba
Meunyoe di Gata, hana kembali
Sulaiman.Gani, Tatanom sigra

Male that hate, Sulaiman.Gani
Lam Grup terjadi, meuprang saudara
Kru Seumangat…………………
Woe Roeh Peusaudaraan Kembali