KALAM BISMILLAH PEUNAWA RACOEN

OLEH: SULAIMAN.A.GANI

========================================

Meu insya allah kalam bismillah,  loen peutente

Meunyoe na salah ka nibak allah,  ampoen loen lakee

Tuhan neuyue prang , si kape teuntee

Umat muhammad,  ngat bek jitipee

Neuyue prang kafee,  musoeh di nabi

Bek roeh ji ungki,  agama teuntee

Khaled bin waled , keu panglima prang

Peumuda seudang,  dikeu jak dile

Di ureueng mukmin,  nibak masa  nyan

Geuneuk piyoeh prang,  katroek bak wate

Ka duek deungoen grah,  susah hana ban

Makanan ph tan,   hana pat lakee

Yang na saboeh moen , dalam mideun prang

Ureueng jak keunan , meujuta ribee

Ka jiboeh racoen , u dalam moen nyan

Ureueng meu iman,  jikeuneuk tipee

Khaled bin waled , geu peurab keunan

Geukaloen ie nyan,  koen le ban dilee

Geucoek le tima,  geucroeng le bagah

Deungoen bismillah , geurajah dilee

Tujoeh goe geupruh , deungoen bismillah

Ie nyan geuruwah , bak soet loem dilee

Ie nyan geuruwah , khaled bin waled

lheuhnyan geu yue jeib,  bak mukmin teuntee

Oh lheuh geuyue jieb , bak bandum rakan

Tueng ie seumayang , ktroek bak watee

Oh lheuh neu seumbahyang , khaled jak muprang

Taloe le rijang , kafe ka pade

Meunyan hikeumah,  takheun bismillah

Tuhan peuleupah,  bak bahya sitre

Khaled bin waled , yang peo seujarah

Muhammad yang sah , rasul pangulee

=====================================