“PEUTROEN ANUEK”

   Oleh  : SULAIMAN.A.GANI

====================================

Salam a’laikom , kawon ngoen wareh

 Sinoe ngoen sideh, duson ngoe kuta

Samboet saleum lon, sion lon tuleh

Peu ingat wareh,  Soal Budaya

Budaya Aceh, Adat lon peuceh

Jinoe ka jayeh, peuduli  hana

Miseu lon peugah, keu saboeh rinteh

Deungoen hai wareh, lon boeh umpama

Jameun ka maju, sang dumpeu bereh
Keu adat Aceh, hansoe lee kira
Buet peutron aneuk,  bacut lon cukeh
Lam adat Aceh, le that seumpeuna

Aneuk ban lahe, umpama bijeh
Gohlom jeuet puweh, dirumoh tangga
Peuet ploh peuet uroe, tanyoe payah preh
Baroe  phoen jadeh, jeuetba u luwa

Nyan saboh adat, goet that teuleubeh
Dinanggroe Aceh, jameun kon kana
Aneuk geupeutron, phon-phon peutakteh
Budaya Aceh, pusaka Maja

Peugoet khanduri, beurangkri raeh
Do’a beuleubeh, akan aneukda
Didonya makmu, akhirat bereh
Udep lam leubeh, malem ngon kaya

Oek phon geucukoe, peusijuek geupreh
Peucicap jadeh, geubri ie saka

Masen ngoen masam, bibi geucukeh

Nyan saboeh careh, mangat jirasa

Wate oh rayoek, mangat teuleubeh

Ngat muphoem saheh, kada ngoen qadha

Wate geuboeh nan, kalon lam tareh

Nama yang leubeh, hareutoe makna

  

Ma geupeumanoe , Nifas ka bereh

Hukom ka jipreh, Seumbahyang gata

Seumbahyang  puasa, hanle meudaleh

Kajeut lom cukeh, lakoe di gata

Kareuna Hukom, badum ka bereh

Lakoe ka jipreh, katrep puasa

Dumnan seumpurna, Adat di aceh

Sidumnan leubeh, pakon  talapa

Meumada  ohnoe, haba lon syareh

Kurueng ngoen labeh, meuah beuraya

Kadang na salah, nariet lon leubeh

Bek juet keu beungeh, deundam jiteuka

(  Tgk  Diyueb bruek, 22/04/2011