LAKE MEUKONGSI AGAMA

Oleh : SULAIMAN.A. GANI

====================================

Assalammua’laikom, Waramatullah

Alhamdulillah, pujoe Ilahon

Sigala pujoe, muwoe keu Allah

Yangka neulimpah, Rahmat Neupeutroen

Seulawue saleum, keu Rasulullah

Yang ba risalah, keu bandum kawoem

Seugohloem wafuet, di Rasulullah

Kalhueh neukeubah, dua peununtoen

Yang phoen Quruan, Fireuman Allah

Meunyang dua sah, Sabda  hai kawoem

Meusoe yang mumat, Yang Nabi keubah

Meu insya Allah, seulamat hai kawoem

Lhuehnyan saleum lon, rakan meutuah

Sion keureutah, haba lon susoen

Gantoe lon jak droe, keunan lon langkah

Nyoe pat naseukah, kirem keu kawoem

Sikafe  Qurais, paleh  meuleumpah

Bak rasulullah, keunan  meuhimpon

Lake Meukongsi, Agama  Allah

Meunoe ban kisah, deungoen hai kawoem

Na peut droe ureueng , si kafe quraisy

Jak musyawarah , yoehnyan ngoen nabi

Yang phoen si wallet,  mue bin  musyirah

Meunyang dua sah,  ibnu wael nama

Keulhee aswat,  ibnu mutaleb

Meunan keuh sabet,  nama geurasi

Keu peut ummiyah,  ibnu khilaf

Rakan meutuah, meupuet droe kana 

Oh ban sare troek , u bak saidina

Nibak agama,  lake meukongsi

Wahai muhammad kamoe peunyata

Keurija sama , gata mngoen kami

Meunsoe leubeih , sah agama kamoe

di dalam hal nyoe , hana loen turi

Meunyoe leubeih sah,  agama gata

Beugitu juga , bisa meukongsi

Bak teungoeh tengoeh , ka beureudeing nyan

Meutroen firman  yoh nyan keu nabi

Le Allah neukoeh, bek  musyawarah

U bak janjongan,  neutham le Rabbi

Bek roek ta ikoet , ureueng meusulet

Wahai muhammad,  ka uleh gata

Meunyoe di gata,  meusifeut leumoeh

Si kafe biyoeh , galak ji raya

Di sikafe pih,  jimeuleumoeh droe

Ji peukhoe  peukhoe,  ji pura – pura

Meubeik tapateh,  ureueng meusumpah

Jiba fiteunah,  jihadu domba

Tiep – teip sigala, yang  keubajikan

Jihalang halang,  bek rhoeh keurija

 Nibak buet maksiet,  ji teutap sabe

Sifeut si kafe , bek tapeucaya

Seumbrono , bak beurangkasoe

Peugah kaya droe , seuluruh donya

Aneuk jih pih lee , hareuta banyak

Teukeusyak  keusyak , jipeukrueh  jungka

           

Nyan ayat kamoe,  tabaca keujih

Ka jipeu eleh,  ji peukra peukra

Jipeugah dongeng,  khabaran jameun

Jih nyan bak hidoeng,  u lon boh tanda

Meunan firman,  tuhan  neupeutroen

Beureundeng puntoeng , kafe jigisa

Jeut neuci kaloen,  dalam quru’an

Bak surat kalam,  juz tabaraka

Na peut droe ureueng , yoeh nyan teuka le

Jijak bak nabi,  jikeumeu tipei

Yang phoen si walet , nama geurasi

Fireuman rabbi , jih geupeumale

Seubab si walet , sifeut sikureueng

Supaya maklum , deungoen lon bri the

Lam salah saboh , nibak sikureung

Yang sifeut zanim , meunan meuteuntee

  

Dan makna zanim,  hana meuri ku

Aneuk hana du,  waliet hai guree

Hana meuri ku , ditungku waleit

kapadum lawet,  hana soe teubei

Teuma baroe trang,  quru’an  yang peugah

Rasia teuhah , yang katreib dilee

Ayat quru’an ,  buka rasia

Oh lheuh geubaca,  oleh pang  ulee

Siwaleit deungoe,  kepeudeh punyueng

Ka laju jiplueng , jiwoe u juree

Oh troek u rumoeh , ji uroeh ibu

Wahe ma tungku,  ja keunoe dile

Po ma siwaleit,  geupeurab sigra

U bak aneukda,  tanyoeng meuteuntee

Ku pue tahoi lon , ee bijeh mata

Puna peukara,  hai bungoeng keumbee

Wahe ee poma , na pue loen tanyoeng

Peugah beukeunoeng,  bekna meusilei

Wahe poma kee,   bekna meusulet

Bek le neukabom ,  uloen ka malee

Meuhan neupeugah,  takue neuh kukoh

Peugah po ma jroeh,  hana ureueng the

Meukheun muhammad , wahe po ma cut

Sikureueng sifeut,  u loen teuntei

Bandum barang nyan , kaloen keutahui

Yang tan loen turi,  sit saboh teuntee

Hana meuri ku , yang u loen suri

Cuba neurawi,  hai ma pangulee

Po ma silaweit , jeunaweub geubri

Meuka tasudi,  bah le lob bri thei

Ayah digata , meusifeut ghanah

Syahwat geuh leumoh , nyakni meunalee

Meukeuseud ghanah,  nyan keuh impoten

Hai bungoeng siren,  dikee han laku

Hingga teuma roeh,  ka u loen meuen

Sirabe kameng , ngoen nyang meulalei

 Ayah di gata , meninggai donya

Tinggai hareuta,  meujuta ribee

Hingga han soe tueng, akan pusaka

Loen seurah teuma,  atra nyan teuntee

Bak sigeumeubue , sinan loen keubah

Meunyan keuh ayah , gata meutente

Hareuta gata sinan , loen keubah

Gata pih meunan , nyan keuh du dilei

Nyan keuh hai aneuk,  habeh lon peutrang

Bek le kareupang,  kakoh takue kee

Muphoem silaweit,  aneuk bak zina

Kapadum lama,  hana soe tubei

Ayat quru’an,  buka rasia

Oh lheuh geubaca , uleh pangulee

Peuhah rasia,  ayat quru’an

Bak surat kalam, disinan teute

================================