“PEU AYON ANEUK – 2 “

  Oleh : SULAIMAN.A.GANI

============================

“Alahai jak, kutimang prak
Jeh pirak , sijudo dua
Wahe aneuk,  puteh meuprak

Hate galak,  lon ngieng gata

Lom ku kheun prak, kutimang prak
Boh cicak,  di ateuh bara
Buet nyang karot,  bek tagalak
Alahai nyak,  bijeh mata

Jak kutimang,  putik langsat
Cut Amat , muda bahlia
Beule aneuk , rakan sahbat
Jan meularat , nasoe sangga

Jak ku timang,  putik ramböt
Beungoh seupot,  lön peulara
Beule aneuk , ureueng iköt
Bek meudhöt-dhöt,  narit gata

Jak kutimang , putik langsat
Pocut leumat , teungeut jinoe
Beujeuet aneuk , ka Hareukat
Laot darat , pawang keudroe

Allah hai jak , kutimang bé
Jeh ceupé , peuneugot Cina
Meung na mantong , umu sabé
Boh hatè , tamat neuraca

Jak lön timang , bungong geutoe
Keunong uroe , layee rata
Beumutuah,  po samlakoe
Bila nanggroe , mat neuraca

Jak lön timang,  putik bugéng
Cut leunténg,  rupa samlakoe
Beu le aneuk,  ureueng iréng
Bek meudeungkéng , ngen rakan droe

Jak kutimang,  kutimang böt
Jeh boh ramböt , diteupin paya
Beule aneuk , ureueng iköt
Bek na ka röt , buet digata.

( Tgk Diyueb Bruek )