“ RUKON SEUMBAHYANG “

  OLEH : SULAIMAN.A.GANI

================================================
Deungoen Bisminlah, lon puphoen Rawi

Lon Pujoe  Rabbi, Azawajalla

Yang peuna peutan, yang bri raseuki

Meuhat buet Rabbi, yang that Kuasa

Seulawuet saleum, ohlhuehnyan lagi

Pang ule Nabi, Khatam Ambiya

Yang bri syafaat, bak ule titi

Liwa ul-Hamdi, Blang padang Masya

Lhuehnyan saleum lon, Ayah ngoen Ummi

Kuta ngoen Pasi, hana lon beda

Rukon Seumbahyang, Hajat lon Rawi

Hajat lon neukbri, bandum syedara

Rukon seumbahyang, lon nuek peuturi
Supaya meuri,  lhee blah perkara
Pereutama niet,  di dalam hati
Peukeukal diri,  seumah Rabbana

Rukon keudua,  tadoeng berdiri
Syarat meudali , yang  na kuasa
Rukon  yang keulhe,  Geukhuen takeubi
Peukong lam hati,  niet meusahaja

Baca fatihah rukon yang keupeut,,
Ta baca beujeut,  salah bek  lena
Lafai ngoh hurof , beu pah  makhreuj
Panyang ngon paneuk,  bek sagai lupa,

Rukon keu limong Ruku' hai rakan
Badan ngon pinggang,  saree keupala,
dak jeut beu rata , tulang beulakang
Bek sembarangan , ban bungkok raga

Keunam I'tidal , teugak kembali
Tanyo berdiri,  lage seumula
Didalam kitab geu kheun transisi
Yoeh goh he akhi,  sujud bak tika,

Keu tujoh Sujud,  hai rakan sahbat
Ta tikeui beu jab , tika mushalla
Anggota sujud bek na , meujungkat
Ta peuroh beukrab , bandum u tika

Duduk antara , rukon keu lapan
Nyan perseulangan , sujud keu dua
Taduek tasyahud , yang keu sembilan
Beu pah hai taulan,  beu samporeuna

Teuma keu siploeh,  tabaca Tahyeut
Ta baca beujeut,  makhreuj seumpurna
Tasyahud akhe , lage yang ta beut,
Beu pah i'tikeut,  bek salah kira,,

Baca Seulaweut,  rukon keu siblah
Ta lafai beu pah , untok saidina
Ta ucap Seleum , yang keu Duablah
Teurtib keu Lheeblah,  habeh perkara,

================================