“Khuen/Lake Gure”

Oleh : SULAIMAN.A.GANI.

===========================================
Pujoe ngon syukur, meuwoe keu Allah
Yangka neulimpah, nikmat seujahtra
Seulawuet saleum, keu Rasulullah
Yang ba risalat, ban sigom donya

Lhuehnyan saleum lon, tangloeng meutatah
Anggota grup”PANAH”, Tuha ngoen muda
Sulaiman.A.Gani, nama lon peugah
Le ma ngoen Ayah, nyan geuboeh nama

Tgk Diyueb Bruek, dalam grup”PANAH”
Meunyan nama sah, sejak Fbi na
Karab sueminggu, teubiet grup “PANAH”
Jinoe jireupah, lam grup yue gisa

Syarat ulon woe , syedara meutuah
Dalam grup “ PANAH, ” syarat lon gisa
Meuhan tapubuet, syedara meutuah
Hanpue meusumpah, gure yue gisa

Na lhe boh syarat, rakan meutuah
Bah lon ci peugah, ngat talaksana
Peureuta maphoen, Admin grup “Panah”
Bekle neutamah, kaseb be nyangka

Yang hantoem lam grup, keunoe jilangkah
Neugantoe bagah, yang tem keurija
Kupue Admin, peunoeh grup “Panah “
Oh na masalah, soe Bantu hana

Wate tagantoe, tamusyawarah
Meusoe tatamah, yang toeh tatuka
Meunyang keudua, syarat lon peugah
Admin yang sah, Panton yue rika

Sidroe Admin, Pemimpin grup “Panah”
Status geupeugah, gure yue gisa
Yang laen kumen, meu admin sah
Dam lom jitamah, komen anggota

Lake woe gure, keunoe yue langka
Dalam grup “Panah” keunoe yue gisa
Meuhan han lon woe, dalam grup “Panah”
Male meuleupah, guree ka tuha
Teuma yang keulhe, syarat lon peugah
Wate gure sah, keunoe troek gisa
Guree tasamboet, peuturi bagah
Lage gure sah, pubuet yangka ka

Kiban buet gure, dile yang sudah
Meunan keuh ulah, oh gure gisa
Meunyan keuh syarat, ka gure peugah
Meu insya Allah, bekjuet keu bangga

Neubri Tuhanku, rahmat neulimpah
Dalam grup”Panah” neubri seujahtra
Admin ngoen Anggota, nikmat neutamah
Lam grup neucurah, dame sentosa

Meumada ohnoe, gure seumeugah
Lon lake meuah, meunyoe na gasa
Kadang Awai lon, lon woe bak Allah
Bekle masalah, blang padang masya
( SULAIMAN.A.GANI )

Musliem Barcelo Nakata

=========================================

Alhamdulillah loen pujoe Allah
Yg gure peugah,ka loen peurati
Lhe boh syarat,bunoe neu peugah
Meu insya Allah,uloen turuti

Yg penteng gure,neuwoe beubagah
Bek le peu singeh,wahe e akhi
Dari barokoen,kamoe that susah
Lawet tan leumah,tgk Sulaiman A Gani

Mnye gure,kadeuh lom leumah
Dalam grup panah,kadeuh keulayi
Selaku uloen,admin grup panah
Malamnyoe sah uloen meujanji

Sabe uloen deuh,keunan ku langkah
Anggota grup panah,ulon padoli
Uloen peu jame,meusoe yg meutamah
Lon samboet ukhwah,ngen panton seuni

Kadang di uloen,hana deuh leumah
Beu neupeumeu'ah,wahe e akhi
Seubab ngen hp,fb lon peuhah
Cukop that susah,wahe e akhi

Taneuk samboet jame,laju beu bagah
Cukop that payah,tanyoe meurawi
Tpi mandum nyan,hanjeut masalah
Jamei yg leumah,ulon padoli

Tgk Diyueb Bruek

============================

meugata sidroe, adoe yang peugah
guree yue langkah, keunoe tayue woe
teuma yang laen, hana jipeugah
guree yue langkah, yue gisa keunoe

kiban lon gisa , adoe meutuah
meugohlom jeulah, syarat lon pinta
gure han gisa, dalam grup panah
meunyoe tan jeulah, lage lon pinta

ile ie mata, baje lon basah
kalon grup panah, hancoe meuleu a
le lake teubiet, ikot gure sah
tapi lon peugah, sinan yue saba

alah ka keuh hom, adoe meutuah
keudeh bak Allah, tameuhon pinta
ya Allah neubri, rahmat neulimpah
Anggota grup Panah, neubri seujahtra

Faidzil El León Fasya

===============================

Alhamdulillah rahmat tuhan bri
Mudah raseuki sehat anggota
Seun-seun si bareh haba lam rawi
Sulaiman gani yang karang haba

Keu hai admin dalam group ini
lhee syarat pasti yang ka geurika
han ek loen peuphoem yang ka terjadi
Loen pulang pasti bak admin keupala

Meupat yang salah jeut perbaiki
Meubeek treep lawi laju pareksa
yang hak reot uneun bek peuduk blah wie
ngak bek terjadi putoeh syedara