“SELINGKUH “

  Oleh : SULAIMAN.A.GANI

===========================

Di coet geulungku, kubu dilapan

Di Bineh Jalan, Kubu Syuhada

Saleum ulon bri, keu bandum rakan

Inoeng ngoen Agam, tuha ngoen tuha

Samboet saleum lon, tangloeng jeumeulang

Geunantoe badan, sawue syedara

Geulantoe lon bri, kupi sicawan

Rokok kisaran, keunan lon jak ba

Nyoe  pat na rinteh, saboeh lon karang

Selingkuh lon boeh nan, meuleumpah gura

Hana seutia, cinta lagenyan

Oh akhe korban, ikoet  keucewa

Wate loen ingat,  keu gata intan
Rusak pikeran,  hancoe binasa
Karena janji , yang ta ucapkan
Ngon pearasaan , jeuoh tat beda

Janji uroe jeh , watee saboeh jan
Ngon loen dek sayang,  ikatan cinta
Sumpah ka langsoeng,  dile watenyan
Ngoen goeb Laen han,  seupanjang  masa

Laen han ta tem,  keu judo badan
Meukon loen tuan , yang gata cinta
Teutapi jinoe,  ka laen macam
Dikeu loen tuan,  ta meuen cinta

Pakoen keuh adoe , sampoe lagenyan
Peu keuh salahan , di loen  ngoen dinda
Meusampoe hate,  cinta takarang
Si ulah sang sang,  Meuturi hana

Wate loen tanyoeng , bak gata intan
Keu dek loen sayang,  pakoen ta lupa
Jinoe boeh hate,  bek pikee panyang
Bah keuh loen tuan , pisah ngoen gata

 Daleh  di gata , kana seulingkuhan

Yang na jabatan , peujabat Negara
Ta lupa keu loen , tanjoeng geumilang
Buruh pelabuhan , gasin ngon papa

Tamah bacut “

===========

Phoen peugah cinta, mesra bukoen le,,
Laoet deungoen glee, sare po djeumba,,
Gampoeng ngoen kuta, puta hana pree,,
Baten ngoen lahee, cuma adinda,,

Meugantoe masa, teuseksa hate,,
Meu ikat sabe, janji seutia,,
Ka habeh pulsa, haba ka tanlee,,
Sibungoeng pade, ka laen rasa,,

Ka goeb po djeumba, dalam CR_V,,
Diduek ngoen toke, pante bidara,,
Meuble'k-ble'k mata, teuseksa hate,,
Baten ngoen lahe, dalam meurana,,

====================================