===========================
Oleh :
SULAIMAN.A.GANI
===========================
Alhamdulillah,
lon pujoe Tuhan
Yang peujuet
Alam, lat batab dumna
Yang peujuet
langet, hana meutiang
Yang peujuet
insan, Dum manusia
Seulawuet saleum,
akan janjongan
Pang ule alam,
rasul mustafa
Bandum keluarga,
wareh ngoen taulan
Sahbat janjongan,
troek akhe masa
Lhuehnyan saleum
lon, keu bandum rakan
Umat iseulam, ban sigoem donya
Hajat lon kisah,
saboeh karangan
Pakon di Tuhan,
Manusia mulia
Meuseubab yang
phoen, neukheun le tuhan
Mulia insan, dum manusia
Si mata mata , ka
Allah neubri
Yue pubuet bakti ,
keu Allah ta’ala
Hana neupeujeut, neukheun le tuhan
Jen deungon insan
, di dalam donya
Ila malingkan, untuk ibadat
Keu uloen meuhat, si mata mata
Muphoem disinan, ka wahai taulan
Mulia insan, meunoe ban rupa
Nibak pandangan, tuhan hadharat
Beuna ibadat , sunggoeh
keurija
Deungoen seubab, lee ibadat keu tuhan
Deungoen seubabnyan, insan mulia
Seubab keu dua, na pengakuan
Didepan tuhan, yang maha esa
Ateuh sedia, gata teurimoeng
Amananh tuhan, gata laksana
Tatueng Quruan, coek peudoman
Meunyang laen han
, bandum teurima
Sunggoeh ka neu
kheun, ka uleh Allah
Loen joek amanah,
u bak mareka
Langet ngon bumoe,
seureuta gunoeng
Han jiteurimoeng,
bandum semua
Meuhan ek jimei, lhee droe awaknyan
Takoet
jitanggoeng, akibat teuma
Komdian teuma, oh
wate dudoe
Jitanggoeng
keudroe, le manusia
Muphoem nibak, lafai amanah
Nyakni peurintah,
nibak agama
Langet ngoen
bumoe, seureuta gunoeng
Han ek
jitamggoeng, perintah rabbana
Seubab perintah, mulia that that
Sidumnan brat ,
bandingan hana
Teutapi insan,
walau cukoep brat
Jitanggoeng
meuhat, tidak mengapa
Seubab leumoeh , anggota
tuboeh
Meuseubab nyan
keuh, insan mulia
Dan lagi pula, na
neubri akai
Alat ngoen timang, rugoe ngoen laba
Meumada ohnoe, haba lon karang
Mulia insan, dum manusia
Meunan muphoen lon, ka wahai rakan
Meunyoe salahan, peu beutoi sigra
( Tgk Diyueb Bruek )
0 komentar:
Posting Komentar