‎~MARTABAT NAFSU~

================================

Assalammu'alaikum, saleum ulon bri
Keu bamdum akhi, tuha ngön muda
Pujoe keu Allah, seulaweuet keu Nabi
Nyang bri raseuki, GEUTANYOE HAMBA
...
Nibak uroe nyoe, ya Allah neubri
Ulon neuk rawi, SABOH MUSTIKA
Martabat Nafsu, judul U lon bri
Wahee ee akhi, NEUTULONG BACA

Nafsu yang keuphon, Ulon peuturi
MANGAT BEK sangsi, Amarah nama
Nafsu amarah, mangat tatuti
Tan jipadoli, hukom SALAH NGOEN BEUNA

PEUTUROT NAFSU , HAN DIKENDALI
Ku'Eh dan dengki, DUM manusia
Teuma kedua, wahee E Akhi
Lawwamah LAGI , GUESUEBOT nama

Nafsu Lawwamah, ULON PEUTURI
Hukom jituri, MUETUKA meutuka
Sifeut Amarah, KUEH NGON benci
Sigoe-goe akhi, MANTOENG JITUEKA

Teuma nyang keu lhee, Mulhimah lagi
DUENGOE LON RAWI, SUEN SUEN SIBANJA
Dalam nafsu nyan, kana di Zikri
Latihan jibri, Riyadhah kana

Teuma dinafsu, kadang ingkari
SINAN KENDALI, GEUTANYOE BEUNA ,
Nafsu nyang keu peut, Muthma innah ismi
Ulon peuturi, BANDUM KEU GATA

MEUNYAN KEUH Nafsu , RIDHA ILAHI
Nyan Al-Jannati, TUEMPAT DI GATA
Hudep ureung nyan, ka geuridhai
Meunan hai Akhi, kalam Rabbana

Pakhok LON GATOE, NGAT RAGOE RAWI
NGAT MANGAT BUNYI, WATE TABACA
Nafsu Radhiah, KEU LIMOENG LAGI
Meunan HAI AKHI, surah, ULAMA

TINGKAT Radhiah, TATUEME payah
TUEBIT LAM BABA , Zikir TIEP MASA
JINOE Geutanyoe, mohon bak Allah
Zikir tapapah, SABE TIEP MASA

TUEMA nyang keunam, Nafsu Mardhiah
Ka Baqa illah, deungon Rabbana
Didalam jiwa, hana lee gundah
Keupada Allah, hana lee Tansa

Tingkat KUE TUJOEH , Nafsu kamilah
Na chiet yang peugah, kamaliah nama
Dalam nafsu nyoe, ilham Syahadah
KURNIA Allah, HAK istimewa

MEUKA KUEH HABEH, NAFSU lon peugah
Pat-pat nyan salah, peumeu'ah sigra
Harap neu maklom, syedara meutuah
Nyang ulon peugah, golom sempurna

=================================