“Seujarah Lahe “Grup MUPRANG LAM PANTON “

  Oleh  : Tgk.Diyueb  Bruek.

==============================================================

Deungan Bisminlah, Kalam lon puphoen

Lon  pujoe Rabbon, Azawajalla

Yang ka neulimpah, Rahmat neupeutroen

Keu bandum kawoem, atueh rhueng  Donya

Seulawuet saleum, lheuhnyan lon susoen

Pang  ule kawoem, khatam  Ambiya

Yang ba risalah, Islam  awai  phoen

Keu bandum kawoem, ban  sigoem donya

Saleum horeumat, samboet dari  lon

Admin  Grup  Panton, Meuprang  lam  Maya

Inoeng ngoen Agam, banda ngoen Dusoen

Meuprang  lam Panton, bandum  Anggota

Hajat lon peugah, seujarah  Awai  phoen
Bentuk Grup  Panton, Meuprang  lam  Maya

Malam jumeuat,  ilham  neupeutroen

Kheundak  ilahon, kada ngoen qadha

Sideh  Mon singet,  kaju  hai  kawoem

Kamoe meuhimpon,  seuh prang  meubuka

Dalam grup “PANAH” meubalah  Panton
Malamnyan kawoem, Meuprang that  Raya

Untuk  martabat, Marwah  grup “ Panton “

Bek le hai kawoem, seuh prang  tabuka

Kamoe  Admin, kalhueh  meususoen

Dalam grup panton, hanjuet  meudawa

Meunyoe lam  seuh prang, meubalah  panton

Sinan hai  kawoem, hanjuet  han dawa

Bahle tapisah, meuprang  lam Panton

Sinan awai phoen, ide  pertama

“ Tgk  Diyueb bruek”  meunan keuh  muphoem

“Adi Gitulhoh”langsoeng,  laju  jikhuen  ya

11.54,  bak  jeum   jaroe   lon
tanggal  deungon  thoen,  baro  barosa  ( 10  Agustus 2012)

Malamnyan lahe, “ Grup  Meuprang Lam Panton “

“Gitulhoh” langsoeng, Meunyang  bri  nama

Adoe “ Grup  Panah “ Meuprang lam panton

Saboeh  ma  kandoeng, ngoen  saboh  bapa

Alhamdulillah, Rahmat  meuhimpoen
dua  grup Panton, lam  donya  Maya

Adoe ngoen  Aduen, neubri  beurukon

Rahmat neupeutroen, neubri  seujahtra

Nyan keuh seujarah, “Grup Muprang  Lam Panton “

Kalhueh meususoen, untuk  anggota

Meunyan keh  mablien,  Muprang lan Panton

Bukon hai  kawoen , Anuek  Durjan

( Tgk Diyueb Bruek & Adi Gitulhoh ,ADMIN)