“ LA-IN SYAKARTUM LA-AZIY DANNAKUM, WALA-IN KAFAR TUM INNAA ‘AZABI LAA SYADIT ”

=================================
Assalamu'alaikom,  warahmatullah
Jaroe dua blah,  ateuh jeumala
Loen mubri saleum,  keu rakan meutuah
Umi ngoen ayah,  tuha ngoen muda

Keu Bandum Rakan,  wareh ngoen kawoem
Saleum lon susoen,  tanda mulia
Seugala Pujoe,  puwoe keu Allah
Keu Rasulullah,  Seulaweut tabaca

Wa ba’du ,  Salam ‘Alaikom
Hajat loen susoen,  saboeh Amanat
Loen keumeung tuleh , masalah Hukom
Bacut lon rangkom, Keu teuntang Nikmat

Allaahu Allah,  Allahu Rahman
Khaliqul mannan , Azzaa wajalla
Neu bri hate loen , beu teutap Iman
Dalam perjuangan , Syi’ar Agama

Wahe kawoem loen , Inoeng ngoen Agam
Bacuet lon peusan , bak rakan dumna
Keu Niekmat Allah , bacuet lon peusan
Lam bentuk Nazam,  neu cuba baca,

Meukrue seumangat , Rahmat  Ilahi
Nyang ka lheuh neu bri,  bak manusia
Peu keuh geutanyoe,  ta tem syukuri
Allah neu janji,  meu tamah teuma

Dum manusia,  han jitem paham
Le that nyang bangkang,  janji Rabbana
Allah meujanji,  dalam Quruan
Akan siksaan,   Apui  Neraka

Meunyoe geutanyoe,  ingkar keu Allah
Teumpat neu keubah,  dalam Nuraka
Ta peubuet suroeh , peu jeu-oh teugah
Nyang larang Allah,  bek ta keureuja

 

Meupa dum na le,  Nikmat di  Tuhan
Meumacam macam, han ek takira
Meunyang ta hiruep,  uroe malam
Meupadum na yuem,  cuba takira

Meupadum na le , meuyang ta pajoeh
Ngui nibak tuboeh,  meutan soe kira
Meusehat gakie, ka  deungoen jaroe
Useuha tanyoe,  sang  mudah raya

Dum pandangan,  kadueh leupah trang
Hana yang teusoem , ka leumah nyata
Mudah geutanyoe,  nibak memandang
Nikmat bak  Tuhan,  dum asoe donya

Pajan keuh  watee,  geutanyoe  sadar
Saat nikmat tan,  le sajan  gata
Watee geutanyoe,  teungoh na  sehat
Meutan  meusiat , ingat keu Tuhan

  

Meunyoe tasyukur, nikmat bri tuhan

Neubri balasan, meulipat  ganda

Meunyoe ta ingkar, bak nikmat tuhan

Peudeh kon wayang, Apui  Nuraka

 Meumada ohnoe , Peu ingat rakan
Bahle  laen jan,  ta samboeng teuma
Meunyoe haba nyoe,  jeut keu amalan
Pakek hai rakan,  juet  keupeunawa

=============================