HP & FB

‎           ==========================
Assalamualaikum,  rakan boh hatee
Saleum hana pree , keu rakan dumna
Saleum lon layang,  awai ngon akhee
Bek sampe pake,  geutanyoe dumna

Bacut lon kisah,  bak dinding fb
uleh ngon hp , meu dua banja
Kisah that gawat , oh jameun akhee
Masa rap sampe,  kiamat kubra

Di aneuk muda , lale ngoen hp
Meubuka fb,  mita sidara
Rap tip tip malam, sabet hana pre
Pulsa meurupe , abeh lam maya

Tan na teu ingat , keu uroe panggee
Tan na Jipike,  mita beulanja
Kadang tumeuleh , sit haba bakhe
Bak dinding fb,  jipeugot cakra

Tapula kacang,  sideh dalam glee
tapula padee,  bak bineh paya
Bukon le sayang,  takalon boh hatee
Gadoeh goen fb,  oh jula malam

Putik boh mancang,  duroeh dum reulee
Tinggai sitangkee,  keu ubat mata
Agam ngon dara , jaroe bak hp
Mata meuble ble,  hana meuguna
==================================