“ JAGA MAHKOTA -1“dan 2

==========================

Assalammua’laikom, kawoem saudara

Tuha ngoen muda, keu bandum  wareh

Bacut peu ingat, keu anuek dara

Beugoet jaga, gata  maruah dek  puteh

Gata dek  puteh , Bungoen seulaga

Lagak that rupa, sinyak  puteh  gleh

Beugoet  jaga  droe, sigoloem  mala

Kumbang  jiteuka, madu  peu  habeh

Meunyan peuneusan, bak  aduen gata

Hai  Anuek dara , beuna  tapateh

Meutan le madu, hana  soe  hawa

Ditinggai gata, jitiek  lam binteh

Sit sifuet kumbang, lagenyan  cara

Meugoeh troek hawa, bandum  jipateh

Bandum jitem bri, pue  gata  hawa

Hana  meudakwa, dengan  meulanggeh

Tapi  meutroek, mupue  jihawa

Jitinggai gata, hanyak  puteh  gleh

Kupue  lom guna, bungoeng  ka  mala

Kalhueh  gob  cuca, madu  ka habeh

Oleh seubabnya, hai  anuek dara

Beugoet  ta jaga, madu  goeh  habeh

Bungoeng ka laye, hana  soe  hawa

Kalhueh  goeb cuca, kajak boeh keudeh

Meubu  ka basi, pane  soe  hawa

Meunan  umpama, hai  nyak puteh  gleh

Tanda  lon saying, keu  bungoeng  senja

Nasehat maja,  beuna tapateh,

Trks.

  

“  JAGA  MAHKOTA-2 “

======================

Assalammua’laikum, wahai saudara.
Tuha ngoen muda, apa ngoen cupoe.
Bacut peunesan , keu aneuk dara.
Beugoet ta jaga, mahkota adoe.

Yoh mantoeng muda, ceudah that gata.
Lagak ngoen rupa , gata hay adoe
Mahkota gata , beugot ta jaga
Seugohlom mala , kumbang jie peutoe.

Gata dirayu , meumacam cara.
Janji setia jiebri,  keu adoe.
Meuban hana le, madu bak gata.
Laen di mita,  ji tinggai adoe.

Yoh mantoeng suci,  kamoe setia
ban ka meunoda , hanle meupakoe.
Sit sifeut agam , siet meunan cara.
Meu hana laba , han meutem rugoe.

Kupue lom gun,  ban ka teunoda.
Bungoeng ka mala,  tanle soe peutoe
Bungoeng ka laye , Hanle soe hawa.
Ingat ha dara . beuna tapakoe.

Lage bu basi , kalheuh goeb cuca.
Meunan umpama, gata hai  adoe.
Ka meueunyoe tanle , madu bak gata
Pane peumuda , yang jitem lom peutoe.

Meumantoeng suci,  intan permata.
Sabe teugoda , hate di kamoe.
Adak that susah , tetap meumita
Yang meucita cita,  beu ek teusampoe.

Sira meu uji, pakriban gata
Pue na seutia, gata keulakoe

Bacut di rayu, di gata adoe

Tatem bri tumpoe, keu goeh peurasa

Tabiat mie kureng, lagenyan bagoe

Hanjuet hai adoe, tatueng keu bangsa

Baro pacaran, ka tabri tumpoe

Kadang sit dudoe, tabri soe hawa

==============000=========