‎"JAMEUN INTERNET"

================================
Jameun maju jinoe,  ta'eu broek deungon get
Ngoen donya maya , dum manusia mata teuset
Tuha muda,  gampoeng kota kameuleset

Le nyang laloe,  agam binoe ngon internet

Rata sagoe ta'eu jinoe,  kale  warnet
Dum generasi han ek tham,  le meulengket
Dua ploh peut jeum,  hana peutheun bandum apdet
Peu ta akses cukoep bereh,  broek deungon get

Bak warong kupi , kale wifi jaringan net
Deungon lettop , ladom tan rhop jaroe that thet
Na ngon fesbuk,  ladom gabuek gaki wet wet
Palak meujan jan , nyoe jaringan ka meulet let

Tehnologi informasi rot internet
Memang peunteng beuna sareng pileh nyang get
Tapi nyang paloe aneuk tanyoe kameuleset
Di eu nyang brok leupah budok moral teukret

Ta'eu jinoe , ureung laloe deungon warnet
Pue meung hajat,  kalon siat hitong meunet
Ladom buka eu beurita , haba nyang get
Na peulajaran , eu di sinan geubuka web

Na sit judi,  wahe akhi ngon internet
Ladom ngon gem , ta'eu kayem mata teuset
Penipuan pih na sinan,  keunong pelet
Leu that syedara,  habeh beulanja dalam dompet

Muda mudi , ladom gura bak internet
An malam jula,  mantong dua peu dipilet
Hana soe tham,  di awak nyan dimeu'et et
Meunan laku,  le ka ta'eu nibak warnet

Le nyang rusak,  reuloh akhlak aneuk chet chet
Nyoe tan iman , jadeh karam ngon internet
Han ek ta atasi , tehnologi maken awet
Nyoe kon agama,  nyang utama peurunoe beuget

Ee ayah ngon poma,  beuneujaga nyan aneuk miet
Bek that gadoh , hana piyoh bak internet
Coek nyang peurle,  bek boh wate hana le get
Beu ta awasi , dum generasi bek salah ret

MEDYA  HUS

======================================