“ TUJUH AMALAN YANG SELALU ON-LINE “

    Oleh : SULAIMAN.A.GANI.

======================================

Alhamdulillah, loen pujoe  Allah

Rahmat neulimpah, sehat  Anggota

Sehat ngoen tuboeh, Raseuki  mudah

Pikiran  teuhah, loen karang rika

Seulawuet  saleum,  keu Rasulullah

Utusan Allah, ban sigoem  donya

Yang bri syafaat, di mizan  Allah

Di  uroe balah, Blang  padang masya

Lhuehnyan saleum lon, ummi ngoen Ayah

Jaroe dua blah, atueh  jeumala

Hajat uloen bri, sikada  mudah

Saboeh naseukah, hajat loen rika

Tujoeh Amalan, raya faedah

Yang phoen loen peugah, eleume berguna

Sabe mengalir, tatueng  faedah

Hana terbatas, sipajang  masa

Pintoe  ileume,  sabe lam teuhah
Pintoe baitullah , sabe terbuka
Tuntut tuntut ileume,  bek sagai malah
Ngon nyan tapeuhah ,  pinto syuruga

Astaufirullah, lidah ka salah

Karoeh loen kisah, hoe laen haba

Tujoeh Amalan, tariwang  kisah

Pahla bak Allah, hana  meuhingga

Anuek yang saleh, dua loen peugah

Keu Ma ngoen Ayah, sabe  meudoa

Teuma yang keulhee, Mushaf  geupeugah

Jitueng Faedah, warisan gata

Keupuet Mesjid, gata  seudeukah

Sabe bak Allah, mengalir fahla

Seumasa mantoeng, Bina ngoen papah

Nyan Rumoeh Allah,  mantoeng meuguna

Keu limoeng Rumoeh, di hamba Allah

Juet teumpat singgah, Musafir teuka

Teumpat peuniyoeh, bandum kafilah

Nyan  pih faedah, fahla  meuganda

 Teuma yang keunam, Meukrueng geupeugah

Jitueng Faedah, bandum le hamba

Lam hadist laen, pih na geukisah

Meu mon geupeugah,  Raya that  guna

Teuma keu tujoeh,  Harta geupeugah

Yang  ta meuseudeukah, jalan Agama

Meunyan pih tan pre , tatueng faedah

Fahla bak Allah, sipajang  masa

Meuka keuh habeh, tujoeh loen peugah

Amal jariah, On  line  tiep masa

Sabe han putoeh, neubri  le Allah

Meuna takeubah, tujoeh  peukara

( Tgk Diyueb Bruek, 29 Oktober 2013 )

TUJUH AMALAN YANG SELALU ON-LINE hingga waktu yg tak terbatas:
=========================================================
1. Ilmu yang di sebarluaskan :
2. Anak soleh yang ditinggalkan
3. Mushaf (kitab-kitab agama) yang diwariskannya
4. Masjid yang dibina
5. Rumah yang dibina untuk penginapan orang yang sedang dalam perjalanan
6. Sungai yang dialirkannya untuk kepentingan orang ramai
7. Harta yang disedekahkannya

KHUSUS UNTUK NOMOR TUJUH:
============================
a. “Sesungguhnya sedekah itu benar-benar dapat memadamkan panas kubur bagi
      pelakunya, sesungguhnya orang mukmin kelak di hari kiamat hanyalah bernaung
      dalam naungan sedekahnya. (Hadis Riwayat Al-Tabrani)

b. “Dan tuntutlah dengan harta kekayaan yang telah dikurniakan Allah kepadamu
      akan pahala dan kebahagiaan hari akhirat dan janganlah engkau melupakan
      bahagianmu (keperluan dan bekalanmu) dari dunia dan berbuat baiklah (kepada
      hamba-hamba Allah) sebagaimana Allah berbuat baik kepadamu (dengan
      pemberian rahmat-Nya yang melimpah-limpah) dan janganlah engkau melakukan
      kerosakan di muka bumi, sesungguhnya Allah tidak suka kepada orang yang
      berbuat kerosakan.” (Surah al-Qasas ayat 77)

Semoga Allah SWT menggerakkan hati kita dan memudahkan kita untuk
bersedekah, Aamiin ya Rabbal 'Alamiin.
=======================================================================